სულხან თამაზაშვილი ყირგიზეთის შს მინისტრთან შეხვედრაზე: განვიხილეთ ორი ქვეყნის სამართალდამცავ უწყებებს შორის არსებული თანამშრომლობის საკითხები, განსაკუთრებული ყურადღება გავამახვილეთ გამოცდილების გაზიარებაზე

საქართველოს შინაგან საქმეთა მინისტრის სულხან თამაზაშვილის განცხადებით, საქართველოში ოფიციალური ვიზიტით მყოფ ყირგიზეთის შინაგან საქმეთა მინისტრთან გამართული შეხვედრის ფარგლებში ორი ქვეყნის სამართალდამცავ უწყებებს შორის არსებული თანამშრომლობის საკითხები განიხილეს, განსაკუთრებული ყურადღება გამახვილდა გამოცდილების გაზიარებაზე.

„ქვეყანაში ოფიციალური ვიზიტით იმყოფება ყირგიზეთის შინაგან საქმეთა მინისტრი. გვქონდა მნიშვნელოვანი შეხვედრა. შეხვედრაზე განვიხილეთ ორი ქვეყნის სამართალდამცავ უწყებებს შორის არსებული თანამშრომლობის საკითხები. განსაკუთრებული ყურადღება გავამახვილეთ გამოცდილების გაზიარებაზე იმ მიმართულებით, რა მიმართულებითაც შესაძლებელი ჩვენი თანამშრომლობის კიდევ უფრო მეტად გაღრმავება.
ასევე, ვიმყოფებოდით 112-ში, სადაც დელეგაცია გაეცნო საზოგადოებრივი უსაფრთხოების მართვის ცენტრის საქმიანობის სპეციფიკას. ვიზიტის ფარგლებში, კოლეგა შეხვდა საქართველოს პრემიერი მინისტრს, სადაც განვიხილეთ ორ ქვეყანას შორის არსებული ურთიერთობების განვითარების საკითხები“, - განაცხადა სულხან თამაზაშვილმა.

საქართველოს შინაგან საქმეთა მინისტრის, სულხან თამაზაშვილის მოწვევით ყირგიზეთის რესპუბლიკის შინაგან საქმეთა მინისტრი ულან ნიაზბეკოვი ოფიციალური ვიზიტით საქართველოში იმყოფება.