„თუ იყო გახარია პირდაპირ ამ სპეცოპერაციაში ჩართული, მკვლელობის ფაზაშიც, ვისურვებდი კობახიძისგან ამის მოსმენას“ - მალხაზ მაჩალიკაშვილი

პანკისში ჩატარებული სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი, პარტია „ქართული ოცნების“ თავმჯდომარის ირაკლი კობახიძის განცხადებას, რომ შესაძლოა, პანკისში ჩატარებული ხმაურიანი სპეცოპერაციების უკან ნაციონალები იდგნენ ეხმაურება და წერს:

„ძალიან დამაინტერესა ამ საკითხმა სიტყვა (საეჭვო სპეცოპერაციები პანკისში ) არა და აქ საუბარი რომ იყოს სპეცოპერაციაზე.

არა საეჭვო სპეცოპერაციებზე ნამდვილად ჩემს დაინტერესებას ვერ გამოიწვევდა.

ეს ამბები მოგეხსენებათ სულ ორი სპეცოპერაცია ჩატარდა ხეობაში ქოცების მმართველობის პერიოდში ეს ერთი მაჩალიკაშვილის ოჯახში ტერაქტი.

მეორე ჰესებთან დაკავშირებული სპეცოპერაცია.

რატომღაც მომეჩვენა, ქართული ოცნების პარტიის ლიდერის ირაკლი კობახიძის ეს მართლა სერიოზული განცხადება იმისი აღიარების პირველი ნაბიჯი ხომ არ არის რომ თემირლანი იყო სახელმწიფოს მხრიდან სასტიკი დანაშაული.

და აბსურდული სპეცოპერაცია და თუ იყო გახარია პირდაპირ ამ სპეცოპერაციაში ჩართული მკვლელობის ფაზაშიც ვისურვებდი კობახიძისგან ამის მოსმენას.

რაც შეხება ამ ამბის ნაცებზე გადაბრალება სრულიად გაუგებარია და უადგილოა.

ჰესების ამბავზე სპეცებს 70% ქოცების მომხრეები დაუპირისპირდნენ.

და ქოცების მომხრეებმა და სუს-ის ჩინოვნიკ ირაკლი ჩიმაკაძემ მისი რამდენიმე აქაური მინი თანამშრომლით შეიატყუა სპეცრაზმიც ხეობაში ეს იმისთვის რომ გაეწირათ, მაშინაც კი გახარია და ჩემს განცხადებისთვისაც გადაებიჯათ.

მაგრამ მათ სამწუხაროდ გახარიამ ჭკუით აჯობა სისხლი არ დაღვრილ ჰესი არ აშენებულა და ვერც აშენდება სპეცრაზმი კი როგორი გავაცილეთ კი ვნახეთ ყველამ.

რაც შეხება გახარიას ეს ჩემი ვარაუდია გახარია არის ბიძინას ფავორიტი მაგრამ სახელმწიფო უსაფრთხოების სამსახურის დიდი ტკივილი.

სუსი კი მოგეხსენებათ ამ ხელისუფლების ყველა სიბინძურის გამპრავებელი და ხერხემალია.“- წერს მოკლული ახალგაზრდის მამა.

„ქართული ოცნების“ თავმჯდომარე ირაკლი კობახიძე, ქვეყნის ყოფილ პრემიერ - მინისტრს  გიორგი გახარიას „ნაციონალურ მოძრაობასთან“ კავშირში ადანაშაულებს და აცხადებს, რომ შესაძლოა, პანკისში ჩატარებული ხმაურიანი სპეცოპერაციების უკან ნაციონალები იდგნენ.

ასევე საინტერესოა:

🔵 „ბებიას, ბაბუას და ობლებს დიდი და ახალი სახლი აქვთ“ - აკა სინჯიკაშვილი სასიხარულო ინფორმაციას ავრცელებს

🔵 „სადაა გარანტია, რომ თქვენი ვადის ამოწურვის შემდეგ ამაზე არ გაგასამართლებენ ისე, როგორც ახლა მე და ჯანაშიას გვასამართლებენ?!“ - მიხეილ სააკაშვილი სალომე ზურაბიშვილს

🔵 ცეცხლის შეწყვეტის რეჟიმი 60-ჯერ დაირღვა, დაშავებულია 2 უკრაინელი სამხედრო - უკრაინის გაერთიანებული ძალები