აშშ-ს პრეზიდენტის და საბერძნეთის პრემიერ-მინისტრის თბილი შეხვედრა თეთრ სახლში და ჯო ბაიდენის ჰალსტუხი საბერძნეთის დროშით

საბერძნეთის პრემიერ მინისტრი კირიაკოს მიცოტაკისი 16 მაისს, თეთრ სახლს ესტუმრა და ამერიკის პრეზიდენტის ძალიან თბილი დახვედრა მიიღო.  

თბილი მისალმების შემდეგ ამერიკის პრეზიდენტმა, კამერების წინ განაცხადა, რომ „დღეს ორ ქვეყანას შორის მეგობრობა და თანამშრომლობა უფრო მნიშვნელოვანია, ვიდრე ოდესმე“

 "ჩვენი ურთიერთობის დონე უმაღლეს ისტორიულ დონეზეა" - იყო საბერძნეთის პრემიერ მინისტრის პასუხი.  

აღსანიშნავია ასევე, რომ ამერიკის პრეზიდენტმა კირიაკოს მიცოტაკისთან შესახვედრად განსაკუთრებული და თავის ისტორიის მქონე ჰალსტუხით წარდგა.

კერძოდ პრეზიდენტს ლურჯი ფერის საბერძნეთის დროშის ფიგურებით გაფორმებული ჰალსტუხი ეკეთა. 

როგორც ირკვევა კონკრეტული ჰალსტუხი ამერიკის პრეზიდენტს 2017 წლის ივნისში ათენში განხორციელებული ვიზიტიდან აქვს, როდესაც მან საკუთარი ჰალსტუხი, საბერძნეთის სახელმწიფო მდივნის მოადგილე ტერენს კუიკის ამ კონკრეტულს ჰალსტუხში გაუცვალა. 

ცნობისთვის, 2017 წელს ჯო ბაიდენის ათენში ვიზიტის დროს,  მიმდინარე ამბების საკითხებზე საუბრის შემდეგ დისკუსია ჰალსტუხსაც შეეხო, New York Times-ის ჟურნალისტმა აქილეს ბალტასმა  ჯო ბაიდენს უთხრა, რომ მას ლამაზი ჰალსტუხი ეკეთა, რაზედაც ბაიდენმა უპასუხა, რომ მის ჰალსტუხს საბერძნეთის სახელმწიფო მდივნის მოადგილის ჰალსტუხი სჯობდა, პარალელურად მიუბრუნდა მას და შესთავაზა ხომ არ სურდა ჰალსტუხები გაეცვალათ, რაზედაც ტერენს კუიკისი სიამოვნებით დაეთანხმა. მათ ერთმანეთის ჰალსტუხები გაიკეთეს და სამახსოვრო ფოტოც გადაიღეს.   

ასევე საინტერესოა:

🔵საბერძნეთში 18 მაისს არქეოლოგიურ ობიექტებში და მუზეუმებში დაშვება უფასო იქნება

🔵მასშტაბური სპეცოპერაცია ათენის ცენტრში - დაკავებულია 129 უსაბუთო ემიგრანტი

🔵სოლიდარობისთვის მადლობის ნიშნად უკრაინელმა ლტოლვილებმა თესალონიკის პლაჟი დაასუფთავეს