აუტიზმის მქონე ახალგაზრდებმა, დამსაქმებლების მხრიდან უარის მიღების შემდეგ საკუთარი საწარმო გახსნეს

დამსაქმებლების მხრიდან მრავალჯერ უარის მიღების შემდეგ, ოთხმა აუტიზმის მქონე ახალგაზრდამ, ათენში საკუთარი საკონდიტრო საწარმო გახსნა.

„მიუხედავად იმისა, რომ ჩემი ცხოვრება სავსე იყო სირთულეებით, მე მივაღწიე იმას, რაც მსურდა.

შევძელი და ავიღე კულინარიის დიპლომი - საკონდიტრო ნაწარმის განხრით, რამაც მომცა შესაბამისი განათლება და კარიერის გაგრძელების შესაძლებლობა.

სირთულეები, რომლებსაც მე და ჩემი გუნდი ვაწყდებით, გვაძლიერებს და გვაახლოებს ჩვენს მიზნებთან. მადლობას ვუხდით ყველას, ვისაც ჩვენი სჯეროდა და მხარს გვიჭერდა ამ საქმის წამოწყებაში."- აღნიშნავს ჟურნალისტთან საუბარში საკონდიტრო საწარმოს დამფუძნებელი. 

საწარმოში ჯანსაღი მარცვლეულისგან ბარებს ამზადებენ. 

ბარების რეცეპტი, სპეციალურად მათთვის  ცნობილმა ბერძენმა შეფ-მზარეულმა ელიას მამალაკიმ შექმნა.

როგორ შეფ-მზარეული აღნიშნავს, ინტელექტუალური შეზღუდული შესაძლებლობის მქონე მოსწავლეები, როდესაც ხედავენ, მათი მცდელობის დაფასებას და აღიარებას, ისინი დიდ სიხარულს განიცდიან.

მისი თქმით, მათთვის აუცილებელია ახალი შესაძლებლობების შექმნა.

აღნიშნული საწარმო, უკვე თანამშრომლობს სხვადასხვა მაღაზიებთან და საგანმანათლებლო დაწესებულებებთან.  

ასევე საინტერესოა:

🔵ჯარიმა 100 ევრო შესაძლოა 50 წელს გადაცილებულ არავაქცინირებულ პირებსაც დაეკისროთ

🔵ზღვამ ოთხი ცხედარი გამორიყა - ორი მათგანი ბავშვია

🔵ახალშობილი გოგონა სამგზავრო ჩანთაში იპოვეს