ჯარიმა 100 ევრო შესაძლოა 50 წელს გადაცილებულ არავაქცინირებულ პირებსაც დაეკისროთ

საბერძნეთის მთავრობა 50 წელს გადაცილებულ მოქალაქეთა სავალდებულო ვაქცინაციას განიხილავს.

 ამის შესახებ განცხადება დღეს შინაგან საქმეთა მინისტრის მოადგილემ სტელიოს პეტცამ გააკეთა.  

როგორც ცნობილია, საბერძნეთში უკვე მოქმედი კანონის მიხედვით, 60 წელს გადაცილებული ყველა მოქალაქე რომელიც 16 იანვრამდე არ იქნება სრულად ვაქცინირებული, თვეში 100 ევროთი დაჯარიმდება.  

მინისტრის მოადგილემ დღეს ხაზგასმით აღნიშნა რომ საჭიროების შემთხვევაში, სავალდებულო ვაქცინაციის ასაკობრივი ზღვარი შესაძლოა კიდევ უფრო შემცირდეს.

მისივე განცხადებით, აღნიშნულ თემასთან დაკავშირებით მთავრობა გადაწყვეტილებას რამდენიმე დღეში მიიღებს.  

აქვე შეგახსენებთ, რომ სავალდებულო ვაქცინაცია ეხება არა მარტო საბერძნეთის  მოქალაქეებს არამედ, ყველა ფიზიკურ პირს, რომლებიც ცხოვრობენ საბერძნეთის ტერიტორიაზე და არიან დაბადებულები 1961 წლის 31 დეკემბრამდე.  

2022 წლის 16 იანვრიდან 100 ევროს გადახდა მოუწევს საბერძნეთში ყველა 60 წელს ზემოთ გადაცილებულ პირს, ვისაც კორონავირუსის საწინააღმდეგო აცრა არ ექნება გაკეთებული.

ქვეყნის ჯანდაცვის სამინისტროს მონაცემებით, ქვეყანაში 60 წელზე უფროსი ასაკის 520,000 ადამიანია აუცრელი.

ასევე დაგაინტერესებთ

🔵ახალშობილი გოგონა სამგზავრო ჩანთაში იპოვეს

🔵ნათლისღება საბერძნეთში (ვიდეო)

🔵სამი დოზით აცრილმა, როცა გაიგო, რომ კოვიდ 19-ით იყო ინფიცირებული სიცოცხლე თვითმკვლელობით დაასრულა