"ჩვენ ყველას ერთად შეგვიძლია შევაჩეროთ ეს ომი" - საბერძნეთი უკრაინას ქვეყნის აღდგენაშიც დაეხმარება - პრემიერ მინისტრის განცხადება

უკრაინელი ხალხის მხარდასაჭერად გამართული ტელემარათონის დროს საბერძნეთის პრემიერ-მინისტრმა, კირიაკოს მიცოტაკისმა უკრაინელ ხალხს მიმართა და განაცხადა, რომ მათი  დახმარება ბერძნებისთვის არა  არჩევანის,  არამედ  აუცილებლობის და პრინციპის საკითხია, რის გამოც ის გააგრძელებს მათ გვერდში დგომას. მან ასევე აღნიშნა რომ საბერძნეთი უკრაინას დაბომბილი ინფრასტრუქტურის აღდგენაში დაეხმარება, რასაც მარიუპოლის სამშობიაროდან დაიწყებს.

"მე გელაპარაკებით ათენიდან, რესპუბლიკის დაბადების ადგილიდან. მე ვარ ერთ-ერთი ხმა იმ მილიონთა შორის, რომლებიც უკრაინის მხარდასაჭერად და ომის წინააღმდეგ გაერთიანდნენ.  

ბერძნებისთვის უკრაინელების ტკივილი პირადი საკითხია. ალყაშემორტყმულ მარიუპოლი დიდი ბერძნული თემის სახლია, რომელიც 150 000 ადამიანს ითვლის. უკრაინელების დახმარება ბერძნებისთვის არა  არჩევანის, არამედ  აუცილებლობის და პრინციპის საკითხია ". სწორედ ამიტომ, საბერძნეთი გააგრძელებს ჰუმანიტარული დახმარების გაგზავნას და ზრუნვას უკრაინელ ბავშვებზე. სწორედ ამიტომ ჩვენ მივიღეთ 15000 უკრაინელი ლტოლვილი, რომელთაგან 500 ბავშვია და სწორედ ამავე მიზეზით, ჩვენ დავეხმარებით უკრაინას აღდგენაში, რომელსაც  მარიუპოლის სამშობიაროდან დავიწყებთ.

საბერძნეთი თქვენს მხარესაა.  ჩვენ ყველას ერთად შეგვიძლია შევაჩეროთ ეს ომი." - მიმართა უკრაინელ ხალხს  საბერძნეთის პრემიერ-მინისტრმა. 

ასევე საინტერესოა

🔷ბოლო მონაცემებით, საბერძნეთში თითქმის 15 000 უკრაინელი ლტოლვილი ჩავიდა

🔷უკრაინის პრეზიდენტი მზადაა, საბერძნეთის პარლამენტში სიტყვით გამოვიდეს

🔷ქალმა 2 და 5 წლის დისშვილები აივნიდან გადააგდო შემდეგ კი თვითონაც გადახტა - შოკის მომგვრელი შემთხვევა ათენში