საბერძნეთმა ვიზიტორებისთვის ათენის აკროპოლისი დროებით დაკეტა

საბერძნეთის ხელისუფლებამ ტურისტების საყვარელი აკროპოლისი და სხვა უძველესი ადგილები ვიზიტორებისთვის დროებით დახურა. მიზეზი ჰაერის მაღალი ტემპერატურაა, რომელიც საბერძნეთში ბოლო 30 წლის განმავლობაში არ მომატებულა.

მონუმენტი, რომელიც წელიწადში უამრავ ტურისტს იზიდავს, ჩვეულებრივ ღიაა ზაფხულში დილის 8 საათიდან საღამოს 8 საათამდე, თუმცა ახალი წესის მიხედვით, ტურისტები დღის 5 საათამდე შეძლებენ ისტორიული ძეგლის მონახულებას.

საბერძნეთის მეტეოროლოგიური სამსახურის ცნობით, ქალაქში ტემპერატურამ შუადღით 42 გრადუსს მიაღწია, თუმცა აკროპოლისში, რომელიც ამაღლებულ ბორცვზეა და ქალაქს ზემოდან დაჰყურებს, ტემპერატურა ქალაქზე რამდენიმე გრადუსით მაღალია მისი განლაგებისა და ჩრდილის ნაკლებობის გამო. ამავე სამსახურის ინფორმაციით, ადგილზე ტემპერატურამ 44 გრადუს ცელსიუსს მიაღწია.

სწორედ მაღალ ტემპერატურას უკავშირდება, ტყის ხანძრები თურქეთში, საბერძნეთში, იტალიასა და მთელ რეგიონში.

ადგიობრივი მედიის ცნობით, საბერძნეთის სახანძრო სამსახურმა გააფრთხილა ყველა საჯარო თუ კერძო დაწესებულების ხელმძღვანელი პირები, რომ სამსახურში მიიღონ უსაფრთხოების ზომები, წინააღმდეგ შემთხვევაში დაწესებულებებმა დროებით უნდა შეაჩერონ მუშაობა, ან გადავიდნენ საათობრივი უსაფრთხო მუშაობის რეჟიმზე.