საბერძნეთში, სამი არასრულწლოვანი დის გარდაცვალების გამოძიების მასალებში, კიდევ ერთი ადამიანის "უცნაური გარდაცვალების" საქმე დევს

ბოლო დროის ყველაზე გახმაურებული საქმე, ბერძნულ მედიაში  აქტუალობას არ კარგავს. საუბარია, პატრაში გარდაცვლილი სამი მცირეწლოვანი დის საქმეზე, რომელზედაც ერთ-ერთი დის, ჯორჯინას მკვლელობის მთავარი ეჭვმიტანილის სტატუსით პოლიციამ, რამდენიმე დღის წინ, გოგონების 33 წლის დედა, რულა პისპირიგუ დააკავა.

ბერძნული მედიის ინფორმაციით, მას შემდეგ რაც, გარდაცვლილი გოგონების დედა უფროსი ქალიშვილის მკვლელობის ბრალდებით დააპატიმრეს, ბევრი საეჭვო გარემოებები გამოიკვეთა. რის გამოც მკვლელობაში ბრალდებულ ქალსა და მის მეუღლეს შორის  უთანხმოება დაიწყო. პოლიცია ვარაუდობს რომ ამ დაპირისპირებამ შესაძლოა, ბევრი ჭეშმარიტება გამოკვეთოს.

ყველაზე ხმაურიანი გამოძიების საქმეში, შედის იმ ბინის  მფლობელის გარდაცვალების საქმეც, რომელშიც გარდაცვლილი დები მშობლებთან ერთად, ქირით ცხოვრობდნენ.

როგორც ირკვევა 68 წლის დიასახლისი, გაქირავებული ბინის ზედა სართულზე ცხოვრობდა და 2020 წელს ის სრულიად მოულოდნელად გარდაიცვალა.  პოლიცია არ გამორიცხავს, რომ მისი მოულოდნელი გარდაცვალება, შესაძლოა რაღაც საიდუმლოს მალავდეს. 

გავრცელებული ინფორმაციით,  გარდაცვლილი არასრულწლოვანი გოგონების მშობლებს დიასახლისთან უთანხმოება ჰქონდათ, რადგან მისთვის მრავალი თვის ქირის ფული ჰქონდათ გადასახდელი.

შოკის მომგვრელია ასევე ტელეკომპანია SKAI- ის მიერ გავრცელებული ინფორმაცია, რომლის თანახმადაც რულა პისპირიგუ თავს გარდაცვლილი დიასახლისის დისშვილად ასაღებდა და მისი სახლიდან ნივთებს ყიდდა.

ასევე საინტერესოა

🔷წარმოუდგენელი შემთხვევა საბერძნეთში - 70 წლის ჭარბწონიანი ქალი 4 დღის განმავლობაში აბაზანაში იყო გაჭედილი

🔷საბერძნეთში, 9 წლის ქალიშვილის მკვლელობის ბრალდებით დედის დაკავების შემდეგ, საეჭვო გარემოებაში გარდაცვლილი გოგონების მამა შოკურ მდგომარეობაშია

🔷საბერძნეთში ერთ ოჯახში, სამ წელში სამი მცირეწლოვანი გარდაიცვალა - 9 წლის შვილის მკვლელობაში დედაა ბრალდებული