საბერძნეთში სკოლა 12 სექტემბერს დაიწყება - განათლებისა და ჯანდაცვის სამინისტრომ, მოსწავლეებისთვის ერთობლივი რეკომენდაციები შეიმუშავა

საბერძნეთში მოსწავლეებისთვის ახალი სასწავლო წელი, 12 სექტემბერს დაიწყება.

პანდემიასთან დაკავშირებით, ექსპერტთა კომიტეტის რეკომენდაციით სკოლაში რეგულაციის ახალი წესები იმოქმედებს, რომლის არჩევითობაზე გადაწყვეტილება, გუშინ 30 აგვისტოს მიიღეს.

საბერძნეთის განათლებისა და ჯანდაცვის სამინისტროების ერთობლივი განცხადების თანახმად, კორონავირუსთან დაკავშირებით სკოლების გახსნისთვის შედგენილი წესები შემდეგი იქნება:

1) პირბადეების ტარება იქნება არჩევითი.

2) იმოქმედებს ზოგადი რეკომენდაცია, რომ თუ ბავშვს კოვიდის ან ნებისმიერი გაციების სიმპტომები გამოუვლინდება, სახლში დარჩეს.

3) იმოქმედებს მკაცრი რეკომენდაცია, რომ სიმპტომების გამოვლენის შემთხვევაში, ჩატარდეს ტესტირება (თვით-ტესტი).

4) იმ შემთხვევაში, თუ ტესტი დადებითი იქნება, დაცული უნდა იყოს უსაფრთხოების ის პროტოკოლი, რომელიც მოქმედებს, ზოგადად, მთელი მოსახლეობისთვის.

5) კორონავირუსის დადასტურების შემთხვევაში, აუცილებელია 5-დღიანი იზოლაციის დაცვა, მოსწავლე სახლში უნდა დარჩეს, ხოლო გამოჯანმრთელების შემდეგ სკოლაში აუცილებლად დამცავი ნიღბით (N95 ან KN95 ან FFP2) უნდა დაბრუნდეს.

6). აუცილებელი და სავალდებულო რეკომენდაცია რჩება, ხელის ჰიგიენა და შენობის საკმარისი ვენტილაცია.

ასევე დაგაინტერესებთ:

* "ადამიანი, რომელიც გარდაცვლილი მეგონა, დღეს მომკვდარა. რა უცნაურია" - დათო ლიკლიკაძე