საბერძნეთში,კორონავირუსის საწინააღმდეგო ვაქცინაციის, მეოთხე დოზის მისაღებად რეგისტრაციის პლატფორმა იხსნება

საბერძნეთში 7 აპრილს, კორონავირუსის საწინააღმდეგო ვაქცინაციის მე- 4 დოზის მისაღებად, რეგისტრაციის პლატფორმა იხსნება.   

საბერძნეთის ვაქცინაციის კომიტეტი,60 წელს გადაცილებული ასაკის ყველა მოქალაქეს კატეგორიულად ურჩევს, გაიკეთონ კორონავირუსის საწინააღმდეგო ვაქცინის მეოთხე დოზა. 

მეოთხე დოზის მისაღებად რეგისტრაციის პლატფორმა ხუთშაბათს გაიხსნება. პირველ ეტაპზე ვაქცინით მეოთხე დოზით აცრას 80 წელს გადაცილებული მოქალაქეები გაიკეთებენ.  შემდეგ კი 70-დან 79 წლამდე და 60 -დან 70 წლამდე ასაკის მოქალაქეები.  

ვაქცინაციის ეროვნული კომიტეტის თავმჯდომარემ მარია თეოდორიდუმ განაცხადა, რომ მეოთხე დოზა mRNA ვაქცინებით (Pfizer, Moderna) ჩატარდება და ის  პირველი ბუსტერ დოზის მიღებიდან მინიმუმ ოთხი თვის გასვლის შემდეგ კეთდება.  

აღსანიშნავია, რომ საბერძნეთში მეოთხე დოზით ვაქცინაცია სავალდებულო არაა, ნებაყოფლობითი პროცესია, თუმცა 1,3 მილიონი ადამიანისთვის არის რეკომენდებული.

მესამე ანუ ბუსტერ დოზის მიღების შემდეგ, კორონავირუსით დაინფიცირების შემთხვევაში, მეოთხე დოზის მიღება არ არის საჭირო, რადგან  სპეციალისტების თქმით, ასეთ შემთხვევაში ადამიანი  ჰიბრიდულ იმუნიტეტს იძენს.

ასევე საინტერესოა

🔷საბერძნეთში, პაციენტმა საავადმყოფოს კოვიდ კლინიკაში ხანძარი გააჩინა - დაიღუპა ერთი და დაშავდა 5 ადამიანი

🔷საბერძნეთი 12 რუს დიპლომატს გააძევებს - ისინი პერსონა ნონ გრატად შეფასდნენ

🔷საბერძნეთის ხელისუფლება კიბოთი დაავადებული უკრაინელი ბავშვების კლინიკაში გადაყვანას და მკურნალობას უზრუნველჰყოფს