საქართველოს ელჩი საბერძნეთში, საბერძნეთში მცხოვრებ მოქალაქეებს თხოვნით მიმართავს

საქართველოს საელჩო საბერძნეთში განცხადებას აქვეყნებს, სადაც საბერძნეთში მცხოვრებ მოქალაქეებს თხოვნით მიმართავს, რომ ევროვიზიის კონკურსზე მხარი დაუჭირონ ქართველ მომღერალს თორნიკე ყიფიანს.

საქართველოს ელჩი საბერძნეთში დავით დონდუა, განმარტავს, რომ კონკურსანტის წარმატებისთვის აუცილებელია საზღვარგარეთ მცხოვრები ქართველი გულშემატკივრების აქტიური მხარდაჭერა.

„18 მაისიდან 22 მაისის ჩათვლით, ნიდერლანდების სამეფოში, ქ. როტერდამში, ევროვიზიის სიმღერის რიგით 65-ე საერთაშორისო კონკურსი იმართება.

2021 წლის ევროვიზიის სიმღერის კონკურსზე საქართველოს თორნიკე ყიფიანი წარადგენს სიმღერით - “You”. მაყურებლის წინაშე თორნიკე კონცერტის მეორე ნახევარფინალში, 20 მაისს, ათენის დროით 21:00 საათზე წარდგება.

ევროვიზიის კონკურსის წესების მიხედვით, მოქალაქეებს, მონაწილე ქვეყნის ტერიტორიიდან, კონკურსზე თავისი წარმომადგენლისთვის ხმის მიცემის უფლება არ აქვთ. შესაბამისად, ქართველი კონკურსანტის წარმატებისთვის აუცილებელია საზღვარგარეთ მცხოვრები ქართველი გულშემატკივრების აქტიური მხარდაჭერა.

ერთად ვუყუროთ ევროვიზიის სიმღერის საერთაშორისო კონკურსს და მხარი დავუჭიროთ ქართველ მონაწილეს!“ - ნათქვამია საელჩოს განცხადებაში.