უკრაინელმა ჯარისკაცებმა, საბერძნეთის ორი მოქალაქე მოკლეს და ორიც მძიმედ დაჭრეს

საბერძნეთის, საგარეო საქმეთა მინისტრის განცხადებით, უკრაინის ტერიტორიაზე, უკრაინელი ჯარისკაცების მიერ მოკლულია ორი და მძიმედ არის დაჭრილი  ორი ბერძენი ემიგრანტი. 

გავრცელებული ინფორმაციით, შემთხვევა დონეცკის ოლქის ვოლნოვახის რაიონის სოფელ გრანიტში, 13 თებერვალს საღამოს საათებში მოხდა.

საბერძნეთის მოქალაქეების მკვლელობის ბრალდებით, სამი უკრაინელი სამხედრო პირია დაკავებული. 

არსებული ინფორმაციით, შემთხვევის დროს უკრაინელი ჯარისკაცების, ალკოჰოლის ზემოქმედების ქვეშ იმყოფებოდნენ, როდესაც წვრილმან საკითხზე კონფლიქტის შედეგად ცეცხლი გაუხსნეს ბერძენ ემიგრანტებს, რა დროსაც დაიღუპა ორი მათგანი, ორი კი მძიმედ დაიჭრა. 

მომხდართან დაკავშირებით, მიმდინარეობს საგამოძიებო მოქმედებები. 

„ღრმა მწუხარებას გამოვთქვამთ აღმოსავლეთ უკრაინის საკონტაქტო ხაზთან მდებარე სოფელ გრანიტნაში ორი მოქალაქის უეცარი გარდაცვალების და კიდევ ორი ​​ადამიანის მძიმე დაჭრის გამო.

 ვუსამძიმრებთ დაღუპულთა ოჯახებს, დაშავებულებს კი ვუსურვებთ სწრაფ გამოჯანმრთელებას"- ნათქვამია  საბერძნეთის საგარეო საქმეთა სამინისტროს განცხადებაში. 

აღსანიშნავია ასევე, რომ საგარეო საქმეთა მინისტრმა ნიკოს დენდიასმა მოითხოვა სატელეფონო საუბარი თავის უკრაინელ კოლეგასთან დმიტრო კულებასთან, რათა კიდევ ერთხელ ხაზი გაუსვას უკრაინაში ბერძნული დიასპორის დაცვის აუცილებლობას.

ასევე საინტერესოა

🔴საბერძნეთის მთავრობა კორონავირუსის საწინააღმდეგო რეგულაციების შემსუბუქების საკითხს განიხილავს

🔴ბერძენი დედა 5 წელი მალავდა 7 წლის შვილის მკვლელობას და ცხედარს სახლის აივანზე ინახავდა - შემზარავი ამბის დეტალები

🔴ათენის პოლიციამ, 30 უცხოელი "ჯიბის ქურდი" დააკავა