Attenzione! ვინ და როდის მიიღებს 200 ევროიან დახმარებას, იტალიის სახელმწიფოსგან?!

იტალიის სახელმწიფოს 2022 წლის  საკანონმდებლო დადგენილებით, გაიცემა ერთჯერადი ფულადი დახმარება 200 ევროს ოდენობით, არამხოლოდ იტალიის მოქალაქეებზე, არამედ იტალიაში ლეგალურად მცხოვრები უცხოელებზეც. 

აღნიშნული დახმარება გათვალისწინებულია დაახლოებით 28 მილიონ ბენეფიციარზე.

200-ევროიანი ერთჯერადი დახმარებით სარგებლობა შეუძლიათ შინამოსამსახურეებს, უმუშევრობის კომპენსაციით (დიზოკუპაციონე) მოსარგებლეებს, პენსიონერებს, ასევე დამოუკიდებელ, ან  სეზონურ სექტორში დასაქმებულ უცხოელებს და "რედიტო დი ჩიტადინანცას" მიმღებ ბენეფიციარებს. 

საჭირო რეკვიზიტებში მოხსენებულია როგორც ბინადრობის ნებართვის დოკუმენტი, ასევე  წლიური შემოსავლების ინდიკატორი ISEE, რომლის მიხედვითაც წლიური შემოსავალი არ უნდა აღემატებოდეს 35 000 ევროს.

იქიდან გამომდინარე, რომ კანონი ჯერ ძალაში არ შესულა, ამ ეტაპზე არ არის  ცნობილი, სხვადასხვა სექტორში დასაქმებულ უცხოელებს რა ბიუროკრატიული საფეხურის გავლა მოუწევთ აღნიშნული დახმარების ასაღებად. დაზუსტებულია მხოლოდ ორი კატეგორია - ვინც "ბუსტა პაგის" სახით იღებს გასამრჯელოს, ანუ ხელფასის აღრიცხვის დოკუმენტით, მათ ავტომატურად დაერიცხებათ ეს თანხა "ბუსტა პაგაზე" და ვინც სოციალური დახმარება, "რედიტო დი ჩიტადინანცას" დახმარებით სარგებლობს, თანხა  ბარათზე აისახება.

უცხოელი რომელიც ბინადრობის ნებართვის მოლოდინშია, სამწუხაროდ ვერ ისარგებლებს აღნიშნული დახმარებით.

დამატებითი დეტალები გვეცოდინება კანონის ძალაში შესვლისთანავე და აუცილებლად მოგაწვდით ინფორმაციას თუ როგორ მოიქცეთ, რომ აღნიშნული ბონუსით ისარგებლოთ.

მაკა ხაჩოშვილი სპეციალურად ExclusiveTV-თვის ნეაპოლიდან