ავტობუსის მძღოლმა გოგონა გაუპატიურებისგან გადაარჩინა: ის აჩერებს ავტობუსს, ხურავს კარებს და პოლიციას იძახებს

მოძალადეს დააკავეს, ხელბორკილები დაადეს და ახლა სექსუალური ძალადობის, ფიზიკური დაზიანებისა და საჯარო მოხელეებისთვის წინააღმდეგობის გაწევის მძიმე ბრალდებას წაუყენებენ.

შემთხვევა გუშინ რომის სამხრეთ გარეუბანში დღისით, დაახლოებით 12 საათზე მოხდა.

Atac- ის მძღოლმა გოგონა გაუპატიურებისგან იხსნა. მან მაშინვე გააჩერა ავტობუსი, მიხურა კარები, რათა მამაკაცი არ გაქცეულიყო და სასწრაფოდ გამოიძახა პოლიცია. მძღოლის წყალობით, ადგილზე მისულმა პოლიციელებმა ძალადობის მცდელობაზე პასუხისმგებელი პირის დაკავება შეძლეს.

გაზეთი “La Repubblica“-ს ცნობით, Atac 788 ხაზის ავტობუსი, Tor Pagnotta-დან della Magliana-ს მიმართულებით, რომის სამხრეთ გარეუბანში გადაადგილდებოდა. 

როგორც ცნობილია, 42 წლის მამაკაცი, 28 წლის გოგონას ქუჩაში აედევნა და შემდეგ საზოგადოებრივ ტრანსპორტში აჰყვა, რა დროსაც აიძულებდა, მის გვერდით დამსხდარიყო. ავტობუსის მძღოლმა, როგორც კი ეს სცენა შეამჩნია, მაშინვე გააჩერა ავტობუსი, დახურა კარები და მამაკაცს გაქცევის საშუალება არ მისცა.

მოძალადემ სამართალდამცველებს წინააღმდეგობა გაუწია. პოლიციამ, მას ხელბორკილები დაადო და სექსუალური ძალადობის, ფიზიკური დაზიანებისა და საჯარო მოხელეების წინააღმდეგობის გაწევის მძიმე ბრალდებით დააპატიმრეს.

აგრეთვე დაგაინტერესებთ:

📌 აივნის დასუფთავებისას, მეხუთე სართულიდან ქალი გადმოვარდა

📌 ბრიუსელი რუსეთთან ემბარგოს დაწესებას 23 წელს გეგმავს

📌 “ვიმუშაოთ მშვიდობისთვის” - ნეაპოლელებმა უკრაინელებთან ერთად, მშრომელთა დღეს, უკრაინაში ომი გააპროტესტეს