ავტოკატასტროფაში დაღუპული, 18 წლის გოგონას ოჯახი, შვილის ორგანოების დონაციაზე დათანხმდა

18 წლის გოგონა, რომელიც ავტოკატასტროფაში დაიღუპა მრავალორგანული დონორი გახდა.

შემთხვევა იტალიაში მოხდა. 18 წლის ელისა პერტუზოს ოჯახმა, რომელიც ბარის პოლიკლინიკაში ავტოსაგზაო შემთხვევის შედეგად, ერთი კვირის შემდეგ გარდაიცვალა, ორგანოთა დონაციაზე თანხმობა გამოთქვა.

დონორის გულის, ფილტვების, ღვიძლის, თირკმელების და პანკრეასის დაზიანებების გარეშე ამოღებაზე, იტალიის მასშტაბით, საუკეთესო მედპერსონალმა იმუშავა.

ბარის პოლიკლინიკის გენერალური მენეჯერი, ჯოვანი მილიორი სამძიმარს უცხადებს განსვენებულის ოჯახს და ამავდროულად მადლობას უხდის დონაციიაზე თანხმობის გამო. „გამოვხატავ ღრმა მწუხარებას და ასევე მადლიერებას იმ სენსიტიურობისთვის, რომელიც გამოვლინდა ისეთ დრამატულ მომენტში, როგორიც არის ახალგაზრდა ქალიშვილის დაკარგვა. მადლობა სოლიდარობისთვის, რომელიც ახალი ცხოვრების შესაძლებლობებს შესთავაზებს გადანერგვის მოლოდინში მყოფ ადამიანებს“.

ქირურგიული ჯგუფები ჩამოვიდნენ პალერმოდან, გულის ამოღების მიზნით, ფლორენციიდან ფილტვებისთვის, პანკრეასის და თირკმლისთვის - პიზადან, ხოლო მეორე თირკმელი და ღვიძლი გადანერგილი იქნება ბარში.

დონორი, ელისა პეტრუზო, 15 მარტს, 9 თანაკლასელთან ერთად ავტოკატასტროფაში მოყვა და მძიმედ დაშავდა.  ერთკვირიანი ინტენსიური თერაპიის შემდეგ, ელისამ ვერ შეძლო სიცოცხლის შენარჩუნება.

სხვა თემებზე:

📌 ავარია იტალიაში, რომელსაც 5 წლის უკრაინელი ლტოლვილი ბავშვის სიცოცხლე შეეწირა, შემთხვევითი არ ყოფილა

📌 თავშესაფრის მოთხოვნა იტალიაში - პასუხი ყველა კითხვაზე (VIDEO)

📌 იტალიამ უკრაინელი ლტოლვილი სამედიცინო მუშაკებისთვის გამონაკლისი დაუშვა - ისინი იტალიაში საკუთარი პროფესიით იმუშავენ

📌 იტალიის რკინიგზაზე ჰაკერული თავდასხმა განხორციელდა?! მატარებლები შეზღუდული გრაფიკით მოძრაობენ