“ბადანტეს” რომელსაც ძალადობაში იყო ეჭვმიტანილი, სასამართლომ ბრალი მოუხსნა

66 წლის ტარჩიზიო მანას, (რომელიც 2017 წელს დაიხრჩო), სამხრეთამერიკელ მომვლელს სასამართლომ ყველანაირი ბრალი მოუხსნა. მოსამართლემ პროკურორის მიერ წარდგენილი არცერთი საკითხი გაითვალისწინა, რადგან ჩათვალა, რომ ბრალეულობის დამადასტურებელი პირდაპირი სამხილები არ არსებობდა.

საქმე ეხება 2014-2017 წლების პერიოდს, როდესაც სამხრეთამერიკელი მომვლელი, აღნიშნულ პიროვნებასთან მუშაობდა. მაშინ ტარჩიზიო მანა ჟურნალისტების ყურადღების ცენტრში სწორედ ამ ამბის გამო მოექცა. 

ბრალდების მხარის განცხადებით, მას შემდეგ რაც ეჭვმიტანილის ადგილი სხვა "ბადანტემ" დაიკავა, დაზარალებულმა საკუთარ დებთან და ახალ მომვლელთან დაიწყო ფაქტების მოყოლა, რომელიც პირველ "ბადანტეს" უკავშირდებოდა და სადაც მანა მისი მისამართით სასტიკი ფიზიკური  და სიტყვიერი შეურაცხყოფების სერიის შესახებ საუბრობდა.

მანას განცხადებით ერთხელ მომვლელმა უკნიდან წიხლი ისეთი სიმძლავრით ჩაარტყა რომ კუდუსუნის ძვლის სერიოზული დაზიანება მიიღო. 

ეჭვმიტანილი ყოველთვის უარყოფდა ბრალდებებს და აცხადებდა, რომ ტარჩიზიო მანაზე არამცთუ ძალა გამოუყენებია, ხმისთვისაც არასდროს აუწევია.

მიუხედავად იმისა, რომ პროკურორმა დაზარალებულის კუდუსუნის ძვლის დაზიანების შესახებ, სამედიცინო დასკვნაც წარადგინა, მოსამართლისთვის საკმარისი მტკიცებულება არც ეს აღმოჩნდა. მან, ეჭვმიტანილს, სასამართლო პროცესზე ყველა ბრალი მოუხსნა.