“ბადანტეს” მოხუცის მკვლელობისთვის შესაძლოა 14 წელი მიუსაჯონ

38 წლის მომვლელი, სალვატორე სპინა,  რომელიც 86 წლის დივა ბორინის მკვლელობისთვის არის დაკავებული, შესაძლოა ციხეში 14 წლით და 4 თვით ჩაჯდეს.

გუშინ გამართულ სასამართლო პროცესზე პროკურორმა სწორედ სასჯელის ეს ვადა მოითხოვა სპინას წინააღმდეგ.

საქმე ეხება 2019 წლის 1 მარტს ჩადენილ მკვლელობას, როდესაც დივა ბორინი საკუთარ სახლში შარფით გაგუდული იპოვეს. 

ბრალდების მხარემ ეჭვი თავიდანვე ახალგაზრდა მომვლელზე მიიტანა. სპინა მოხუცთან თვეების განმავლობაში მუშაობდა და მას საბოლოოდ იმდენად დაუახლოვდა, რომ ანდერძი დააწერინა, რომლის მიხედვითაც, ქონების ნაწილს ბორინი სწორედ მას უტოვებდა, მაგრამ გამოძიებამ დაადგინა, რომ ქალს ანდერძის შეცვლა ჰქონდა გადაწყვეტილი.

პოლიციამ შემთხვევიდან მეორე დღეს, თავად "ბადანტემ" გამოიძახა და ჩვენების მიცემისას განაცხადა, რომ სამსახურში მისულს ქალი გარდაცვლილი დახვდა.

გამოძიების მტკიცებით, ქალი წინა საღამოს დაახლოებით 8 საათზე თავად "ბადანტემ" მოკლა და მეორე დღეს პოლიციაც თავადვე გამოიძახა, კვალის დაფარვის მიზნით. 

პირველი ანდერძის თანახმად, დივა ბორინი საკუთარ ქონებას შუაზე ყოფდა, ნახევარს შვილიშვილს უტოვებდა, ხოლო ნახევარს - მომვლელს. მოგვიანებით აზრი შეიცვალა და ახალი ანდერძის დაწერა გადაწყვიტა, ახალი მომვლელის სასარგებლოდ.