იტალია - რომელი სოციალური დახმარებები გეკუთვნით 2023 წელს, დაბალი ISEE-ს შემთხვევაში

თუ იტალიაში ლეგალურად ცხოვრობთ, ეს ინფორმაცია მნიშვნელოვანი იქნება თქვენთვის. უკვე ცნობილი გახდა, რომელი სოციალური დახმარებების მიღება შეგიძლიათ, დაბალი ISEE-ს ქონის შემთხვევაში. 

შეგახსენებთ, რომ ISEE ეს არის ერთიანი შემცვლელი დეკლარაცია, რომელიც აუცილებელია თითქმის ყველა სოციალური მომსახურებისა და შეღავათის მისაღებად. ის დაბალშემოსავლიან გადამხდელებს, საშუალებას აძლევს სოციალური და კომუნალური მომსახურება მიიღონ შეღავათიანი პირობებით, ან დაენიშნოთ დახმარებები. ამ დოკუმენტით იზომება პირის, თუ ოჯახის ეკონომიკური მდგომარეობა.

2023 წელს ეს დახმარებებია: 

ელექტროენერგიის, წყლისა და გაზის გადასახადებზე შეღავათი;

საზოგადოებრივი ტელევიზიის გადასახადისგან გათავისუფლება;

საბანკო ანგარიშის სააბონენტო გადასახადისგან გათავისუფლება;

სატრანსპორტო ბონუსი;

მსყიდველობითი ბარათი;

ბარათი პირველადი მოხმარების ნივთების შესაძენად;

საუნივერსიტეტო ბონუსი.

ISEE-ს ხანგრძლივობა ერთი წელია და მისი ვადა იწურება ყოველი წლის 15 იანვარს.

ISEE არის რამდენიმე ტიპის:

ზოგადი;
არასრულწლოვანთა (მარტოხელა მშობლისთვის);
საუნივერსიტეტო (განათლების უფლებაზე შეღავათებისთვის);
სოციალური-ჯანდაცვის;
მიმდინარე - დაფუძნებული ბოლო 12 თვის შემოსავალზე;
ინტეგრირებული - როდესაც ხდება უკვე შედგენილ დოკუმენტზე დამატებების განხორციელება;

აღნიშნული დოკუმენტის დამზადება ხდება ფისკალური მომსახურების ცენტრებში (CAF).

ნინა მამუკაძე

იტალია, ფლორენცია