თამარ ტალიაშვილი რუსეთის წინააღმდეგ ტრიბუნალზე: ამ ტრიბუნალის ინიციატივასთან დაკავშირებით საქართველოს არაერთხელ დაუფიქსირებია თავისი მხარდამჭერი პოზიცია

ამერიკის შეერთებულ შტატებში საქართველოს ელჩი ეხმიანება იმ სპეკულაციურ განცხადებებს, რომლებიც რუსეთის წინააღმდეგ ტრიბუნალის შექმნას უკავშირდება.

თამარ ტალიაშვილი აღნიშნავს, რომ მიუხედავად არაადეკვატური განცხადებებისა და დამოკიდებულებისა, საქართველოს ხელისუფლება ყველა მხრივ განაგრძობს უკრაინელი ხალხის მხარდაჭერას.

„ეს გახლავთ ტექნიკური ნიუანსებით პოლიტიკური მანიპულაციის ტიპური შემთხვევა. ამ ტრიბუნალის ინიციატივასთან დაკავშირებით საქართველოს არაერთხელ დაუფიქსირებია თავისი მხარდამჭერი პოზიცია.

2023 წელს რეიკიავიკში, სამიტის ფარგლებში მოხდა უკრაინის ზიანის რეგისტრის დაფუძნება და საქართველო გახდა ერთ-ერთი პირველი დამფუძნებელი იმ ზიანის რეგისტრის. სწორედ მხარდამჭერ ხელმოწერაზე მელანიც არ იყო შემშრალი, როდესაც გონჩარენკო და მისი პარტნიორები გამოვიდნენ და ზუსტად იგივე ტერმინოლოგიით, რაც ჩვენ გუშინ მოვისმინეთ, ისაუბრეს საქართველოს ხელისუფლებასთან დაკავშირებით. მაგრამ, მიუხედავად ამ არაადეკვატური დამოკიდებულებისა და შეფასებისა, საქართველოს ხელისუფლების უკიდურესად, გამოხატულად, აშკარად, საჯაროდ გამოხატული მხარდამჭერი ნაბიჯებისა, ჩვენ მაინც ვაგრძელებთ უკრაინელი ხალხის მხარდაჭერას“, - განაცხადა ტალიაშვილმა.