იტალიაში, 1,6 მილიონი მართლმადიდებელი ემიგრანტი ცხოვრობს

უცხოელები და რელიგიები იტალიაში: ქრისტიანები ორჯერ მეტი არიან, ვიდრე მუსლიმები. მართლმადიდებელთა რაოდენობა იზრდება.

რომი, 2021 წლის 30 ივნისი - ISMU-ს (მრავალეთნიკური ინიციატივებისა და კვლევების ფონდი),  Istat– ის და Orim-ის მონაცემების თანახმად, იტალიაში, უკანასკნელი საყოველთაო აღწერის შემდეგ დადგენილია, რომ 2021 წლის იანვარში, იტალიაში მცხოვრები უცხოელი ქრისტიანები 2,8 მილიონზე მეტი, რაც მთლიან უცხოელ მცხოვრებთა 56,2% ტოლია. ხსენებული ციფრი, ორჯერ მეტია მუსლიმი უცხოელის რაოდენობაზე (1,4 მილიონზე ნაკლები, მთლიანი 27,1%).

ქრისტიანული სარწმუნოების უცხოელებს შორის, ყველაზე მეტი მართლმადიდებელი ქრისტიანია - 1,6 მილიონი, რაც ემიგრანტთა საერთო რელიგიური კუთვნილების 32,3% ტოლია, შემდეგ მოჰყვებიან კათოლიკეები (855 ათასი, 17%), ევანგელური ქრისტიანები (164 ათასი, 3.3%), სხვა ქრისტიანები (152 ათასი, 3%) და კოპტები (32 ათასი, 0.6%).

წინასწარი შეფასების ანალიზით, 2021 წლის 1 იანვრის მდგომარეობით, წინა 24 თვის მდგომარეობასთან შედარებით, ერთი მხრივ, შემცირდა, როგორც მუსულმანური კომპონენტი (-8,4%), ისე კათოლიკური კომპონენტი (-8,1) %), მეორე მხრივ, დაფიქსირდა მართლმადიდებელთა რაოდენობის ზრდა (+ 8.3%).

ქრისტიანული სარწმუნოების უცხოელთა შორის, მართლმადიდებლები თითქმის ორჯერ მეტია, ვიდრე კათოლიკეები. 2021 წლის 1 იანვრის მდგომარეობით, უცხოელი მოსახლეობის აბსოლუტური უმრავლესობა, რომლებიც ქრისტიანობას აღიარებენ, მართლმადიდებლური რელიგიის წარმომადგენლები არიან (57,5%), რაც თითქმის გაორმაგებულია კათოლიკეთა რაოდენობაზე (30,2%).

მიუხედავად იმისა, რომ 2021 წლის 1 იანვრის მონაცემებით, რეზიდენტების მოქალაქეობის შესახებ  Istat– ის მონაცემები ჯერ არ არის ხელმისაწვდომი, ISMU მიიჩნევს, რომ იტალიაში მცხოვრები უცხოელი მუსლიმების ნახევარზე მეტი 2021 წლის 1 იანვარს მაროკოელები, ალბანელები და ბანგლადეშელები შეადგენენ.

რაც შეეხება უცხოელ კათოლიკეებს, დადგენილია, რომ კოლექტივის ნახევარზე მეტი შედგება რუმინელების, ფილიპინელების, პერუელების და ალბანელებისგან, ხოლო უცხოელი მართლმადიდებლები ძირითადად რუმინეთის ეროვნულ ჯგუფს წარმოადგენს (61%).

იტალიაში მცხოვრები უცხოელი კოპტი ქრისტიანების სამი მეოთხედი, ეგვიპტიდან მოდის. უცხოელი ევანგელური ქრისტიანები ძირითადად არიან ნიგერიელები და განა, შემდეგ მოსდევს ფილიპინელები და ჩინელები.