იტალიაში მოღვაწე ქართველი ექიმი, ლაურა ემრაშვილი საზოგადოებას მიმართვას

იტალიაში, მილანში მოღვაწე ქართველი ექიმი, ლაურა ემრაშვილი საზოგადოებას მიმართვას. – ყველას უმორჩილესად გთხოვთ, ნუ ლანძღავთ ექიმებსსა და სამედიცინო პერსონალს ერთი ხელის მოსმით, ნუ აყვებით ნურავის სადამსჯელო თუ გულისტკივილის გამომხატველ, მოწოდებებს!!! ექიმი იმდენჯერ კვდება, რამდენჯერაც პაციენტი ეღუპება.

მე იმ ბედნიერ ექიმთა რიცხვს მივეკუთვნები, ვისაც არ ბევრი პაციენტი დაღუპვია!
11 წელი ვმუშაობდი ისეთ ზონაში, სადაც ყოველი წუთი იყო ნაღმის აფეთქების ტოლფასი! ამაში ჩემი კოლეგებიც დამეთანხმებიან, რომელთაც, ჩემს სატელეფონო ზარზე, საგანგაშო მზადება ჰქონდათ ყოველთვის.კომა, კოლაფსი, შოკი, დამწვრობა, მოტეხილობა, მოწამვლები, მათ შორის ბოტულიზმი, ბინაზე მშობიარობის გართულებები და უამრავი მძიმე ისტორია. მე, 11 წელი მშვიდად არ მიძინია.
პირველი პაციენტი 24 წლის უკან, 2 თვის ახალშობილი გარდამეცვალა  და დღესაც ისე მტკივა გული, როგორც იმ ღამეს.

მეორე შემთხვევაში, გარდაიცვალა ახალგაზრდა ქალბატონი, გველის ნაკბენით, მე არ ვიყავი სამუშაო ადგილზე, მაგრამ მტკივა მოუშუშებლად, ორი პატარა გოგონა დაობლდა. დღესაც დამნაშავედ ვგრძნობ თავს მათს წინაშე, თუმცა, ჩემი იქ ყოფნითაც შესაძლოა იგივე შედეგი დამდგარიყო!!!
 
მართლაც ძალიან განვიცდი ახალგაზრდა ქალბატონის, მედდის გარდაცვალებას. ის მსოფლიო სტატისტიკისთვის შეიძლება დაბალი პროცენტული მაჩვენებელია, მაგრამ ოჯახისთვის, შვილია, დედაა, მეუღლეა და ყველა ჩვენგანისთვის დიდი ტრაგედიაა.

ნუ ლანძღავთ სამედიცინო პერსონალს, ისინი გარდაცვლილის ოჯახის წევრების მსგავსად, არანაკლებ მძიმე მდგომარეობაში არიან. Exclusivetv.geხათუნა შარაძე