იტალიის 16 დეკემბრის ამინდის პროგნოზი

16 დეკემბერს იტალიის ტერიტორიაზე მეტ-ნაკლებად სტაბილურ ამინდს პროგნოზირებენ, თუმცა გარკვეულ ზონებში მოსალოდნელია მკვეთრად ცივი ჰაერის შემოდინება. ვარაუდობენ თოვლსაც.

ნისლს ელოდებიან პადანის დაბლობზე. შაბათ-კვირას ჰავა საგრძნობლად ცივი იქნება ქვეყნის ცენტრალურ და სამხრეთ ზონაში, მოსალოდნელია ნალექი თოვლის სახით. მომდევნო დღეებში სტაბილური ამინდია ნავარაუდევი იტალიის ჩრდილოეთ ნაწილში. მაღალი წნევა განაპირობებს მზიან ამინდებს, თუმცა ასევე ხელს შეუწყობს ნისლიანობის ხშირ გავრცელებას ბარში, მოიმატებს ატმოსფერული ნალექი.

იტალიის სამხრეთითა და ადრიატიკის ზონაში დაუბერავს ჩრდილოეთის ქარი, რაც ღრუბლიანობას გამოიწვევს. შედეგად ტემპერატურა საშუალოზე დაბალ ნიშნულზე ჩამოვა. კვირის ბოლოს ამინდის გაუარესებაა მოსალოდნელი აბრუცოს ბორცვზე. მოლისესა და სამხრეთით, თოვლია მოსალოდნელი.

ღრუბლიან ამინდს ვარაუდობენ იტალიის ცენტრალურ ნაწილშიც, ასევე აპულიის ჩრდილოეთით და სამხრეთ იტალიის შიდა ნაწილში. მოსალოდნელია წვიმის სახით მცირე ნალექი. შედარებით მცირე ღრუბლიანობაა ნავარაუდევი სამხრეთის დანარჩენ ნაწილში, ლაციოს რეგიონის დაბლობზე, სიცილიასა და სარდინიაზე.

წყარო: meteo.it

მოამზადა ნონა გედენიძემ