იტალიური დღესასწაულები და “ბადანტის” კუთვნილი დასვენების დღეები - გაიგეთ მეტი თქვენი უფლებების შესახებ!

კერძო სექტორსა და ოჯახებში დასაქმებულ პირებს (მომვლელი, ძიძა, მოახლე), ისეთივე შრომითი უფლებები აქვთ, როგორც სხვა სექტორებში დასაქმებულებს. მათ შორისაა საყოველთაო სადღესასწაულო დღეების გამოყენება, იქნება ეს რელიგიური, თუ ნაციონალური დღესასწაულები.

თქვენ სრული უფლება გაქვთ, ეს დღეები, თქვენი სურვილისამებრ გამოიყენოთ, რადგან გეკუთვნით როგორც დასვენება, ასევე ანაზღაურება, მაგრამ ოჯახში დასაქმებული პირების შემთხვევაში, ხდება ისე, რომ ოჯახი, დასაქმებულ პირს სადღესასწაულო დღეებშიც სთხოვს მუშაობას. ამ შემთხვევაში, დამსაქმებელმა დამატებით უნდა გადაგიხადოთ შესაბამისი ანაზღაურება, რომელიც განისაზღვრება სამუშაო კონტრაქტის ტიპის მიხედვით.

გთავაზობთ სადღესასწაულო, დასვენების დღეების სრულ სიას იტალიურად, ქართული შესატყვისით (ზოგიერთ შემთხვევაში, არა პირდაპირი თარგმანით, არამედ ქართული მნიშვნელობით).

1 იანვარი - Capodanno - ახალი წელი

6 იანვარი - Epifania – ნათლისღება

17 აპრილი (2022წ.) - Pasqua - აღდგომა (მოძრავი თარიღი)

18 აპრილი (2022წ.) – Lunedi del Angelo  - მიცვალებულთა ხსენების დღე (დიდი ორშაბათი, მოძრავი თარიღი)

25 აპრილი - Festa della liberazione - ფაშიზმზე გამარჯვების დღე

1 მაისი - Festa dei lavoratori - მშრომელთა დღე

2 ივნისი - Festa della Repubblica - რესპუბლიკის დღე

15 აგვისტო - Ferragosto - ღვთისმშობლის მიძინების დღე

1 ნოემბერი - Tutti i santi - ყველა წმინდანის დღე

8 დეკემბერი - Festa dell’immacolata - ღვთისმშობლის უბიწოდ ჩასახვის დღე

25 დეკემბერი - Natale - შობა

26 დეკემბერი - Santo stefano - წმინდა სტეფანეს ხსენების დღე

ასევე, იმ ქალაქის მფარველი წმინდანის დღე, სადაც მუშაობთ.

მოამზადა ნინა მამუკაძემ