რას ნიშნავს „ლტოლვილად ჩაბარება“?

რას ნიშნავს „ლტოლვილად ჩაბარება“?

თავშესაფრის მოპოვების პროცედურები ეფუძნება 1951 წლის კონვენციას „ლტოლვილთა სტატუსის შესახებ”. აღნიშნული კონვენციის მიხედვით, ლტოლვილის სტატუსი შეიძლება მიენიჭოს პირს, ვისაც „აქვს საფუძვლიანი შიში, რომ შეიძლება გახდეს დევნის მსხვერპლი რასის, რელიგიის, აღმსარებლობის, ეროვნების, გარკვეული სოციალური ჯგუფისადმი კუთვნილების ან პოლიტიკური შეხედულებების გამო და არ შეუძლია, ან არ სურს, ამგვარი შიშიდან გამომდინარე, დაბრუნდეს თავის სამშობლოში".

- რა იგულისხმება თავშესაფრის მინიჭების პროცედურაში?

თავშესაფრის მინიჭების პროცედურა არის პროცესი, როდესაც მასპინძელი სახელმწიფო გაკვირდებათ რატომ არ შეგიძლიათ მშობლიურ ქვეყანაში დაბრუნება და რატომ გსურთ თავშესაფარი იმ ქვეყანაში, სადაც ჩახვედით.

- რომელი ქვეყანა იღებს „უფრო იოლად” ლტოლვილებს საქართველოდან?

- არცერთი. საქართველოს მოქალაქეები როგორც წესი ვერ ასაბუთებენ თავშესაფრის მოთხოვნის მიზანს. უმუშევრობა და საკუთარ ქვეყანაში განვითარების მწირი შესაძლებლობები არ განიხილება ლტოლვილის სტატუსის მისაღებად საკმარის და კანონიერ საფუძვლებად. ყველა გარემოება უნდა იყოს გამყარებული შესაბამისი მტკიცებულებებით, რომლის ნამდვილობა გადამოწმებული იქნება შესაბამისი კომისიის მიერ.

საერთაშორისო საზოგადოების აღიარებით, საქართველო ითვლება უსაფრთხო ქვეყნად და მის მოქალაქეებს, უმეტეს შემთხვევაში, არ აქვთ საფუძველი მიიღონ თავშესაფარი უცხო ქვეყნებში.

- სად შეიძლება გავიგო უფრო მეტი თავშესაფრის მოთხოვნის კანონიერი საფუძვლების შესახებ?

სიღრმისეული ინფორმაციის მისაღებად ეწვიე ვებგვერდს: https://asylumineurope.org/

- შესაძლებელია თუ არა მაგალითად, პოლონეთიდან გადავიდე სკანდინავიის რომელიმე ქვეყანაში და მოვითხოვო თავშესაფარი?

თუ თქვენ ჯერ პოლონეთში შეხვედით და შემდეგ დააპირებთ პირობითად, შვედეთში გადასვლას თავშესაფრის მოთხოვნის მიზნით, ამოქმედდება ევროკავშირის ე.წ. დუბლინის რეგულაცია. ამაზე დაყრდნობით, შვედეთს აქვს უფლება გაგაბრუნოთ უკან პოლონეთში, სადაც წესისამებრ უნდა მოხდეს თქვენი თავშესაფარზე განაცხადის შეტანა და განხილვა.

ინფორმაციის მიღება უსაფრთხო მიგრაციაზე და უკანონო მიგრაციასთან დაკავშირებულ რისკებზე შეგიძლიათ მიიღოთ აქ:  www.informedmigration.ge 

წყარო: უვიზოდ ევროპაში