რომის პაპის მიმართვა ახალგაზრდებს - „იოცნებეთ და იყავით მშენებლები ნანგრევებს შორის“

„ყველაზე საინტერესო და შრომატევადი ამოცანა, რომელიც გეძლევა არის ფეხზე მყარად დგომა, მაშინ როდესაც ყველაფერი ინგრევა. იყავით მშენებლები ნანგრევების შუაგულში“

ეს მიმართვა წმინდა პეტრეს ბაზილიკაში საზეიმო წირვაზე, ეპარქიის დონეზე აღნიშნულ ახალგაზრდობის მსოფლიო დღეზე გაჟღერდა, რომელიც უკვე 36-ე აღნიშვნის წელს ითვლის. 21 ნოემბერს, რომის პაპის, ფრანცისკე I-ის გზავნილების ძირითად ადრესატებს სწორედ ახალგაზრდები წარმოადგენდნენ. პონტიფიკოსმა განსაკუთრებული ყურადღება დაუთმო მეოცნებე თაობაზე საუბარს, პაპმა ოცნებას უნარი უწოდა, ხოლო ნაადრევ სიბერედ, მის გარეშე ცხოვრება მიიჩნია.

ფრანცისკე I-ის მესაში ძირითადი აქცენტები ამგვარად დეკლარირდება: - ოცნება, გამოფხიზლება და მომავლის გაბედული თვალით აღქმა.  მისი თქმით, „მეოცნებეებს იმედის შუქი აუწყებს ხვალინდელ დღეს“. პაპმა მადლიერება გამოხატა იმ მეოცნებე ახალგაზრდების მიმართ, რომლებიც  ვნებიანად მზად არიან, ჩვენი სამყარო უფრო ლამაზი და ჰუმანური გახადონ, საკუთრივ ასრულებული ოცნებებით“.

პაპის მიმართვა, აგრეთვე, შეეხო დიადი იდეალების ჩახშობისკენ მიდრეკილ სამყაროში სოლიდარობის გავრცელების მნიშვნელობასა და პიროვნების ღირსებისთვის ბრძოლას: - „გმადლობთ, როცა ძმობის ოცნებას ავითარებთ, როცა შემოქმედების ჭრილობები გულში გაქვთ, იბრძოლეთ ნაკლებად ძლიერი პიროვნების ღირსებისთვის და გაავრცელეთ სოლიდარობის სულისკვეთება“.

„ნუ დაკარგავთ ამ სამყაროში ოცნებების უნარს! ნუ იცხოვრებთ ძილში, ანესთეზირებულად, არამედ, ვიოცნებოთ ცოცხლად, ეს გვეხმარება ჩვენ, უფროსებს და ეკლესიას. დიახ, ჩვენ ისევე გვჭირდება ოცნება, როგორც ეკლესიას, ჩვენ გვჭირდება ახალგაზრდების ენთუზიაზმი, რათა ვიყოთ ღვთის მოწმეები, უფლის რომელიც მარად ახალგაზრდაა!" - დასძინა კათოლიკური ეკლესიის მეთაურმა. 

„ზეცაში ყურება მისაღებია დაბლიდან მაღლა, არა იმისთვის, რომ გავექცეთ რეალობას, არამედ იმისათვის, რომ გადავლახოთ ცდუნება და დავრჩეთ მიწაზე ჩვენს შიშებთან ერთად, საფრთხის შემცველია საკუთარ ფიქრებთან ჩაკეტვა და თვითგვემა“

„და კიდევ მინდა გითხრათ, - დასძინა პონტიფიკოსმა - ბევრი თქვენი ოცნება შეესაბამება სახარებას. ძმობა, სოლიდარობა, სამართლიანობა, მშვიდობა: ეს იგივე იესოს ოცნებებია კაცობრიობისთვის". „ნუ შეგეშინდებათ მასთან შეხვედრის - მოუწოდა მან ახალგაზრდებს, მას უყვარს თქვენი ოცნებები და გეხმარებათ მათ ახდენაში. კარდინალმა მარტინიმ თქვა, რომ ეკლესიას და საზოგადოებას სჭირდება "მეოცნებეები, (ღამის საუბრები იერუსალიმში. რწმენის რისკის შესახებ, გვ. 61). გისურვებთ იყოთ ამ მეოცნებეთა შორის!".

სტატია წყაროზე დაყრდნობით მოამზადა, ელენი ლომთაძემ

წყარო: https://www.youtube.com/watch?v=UavEArtPZKU

https://www.rainews.it/dl/rainews/articoli/Il-Papa-ai-giovani-sognate-Siate-costruttori-tra-le-macerie-483ea3e2-49ac-4262-b27b-7548d7624c5f.html?fbclid=IwAR1Ks3pdnn0gBQlr4RctyF6U7vMM-bvogRBSlUxtDMrSQ5Beac1QFJcI8hk

აგრეთვე დაგაინტერესებთ:

📌 ევროპის საზღვრები, ევროკავშირის არაწევრი ქვეყნიდან მოგზაურების მსურველთათვის მკაცრდება

📌 იტალია ახალი რეგულაციების მოლოდინში - ექსპერტთა დასკვნა

📌 ვის შეუძლია მიიღოს “DISOCCUPAZIONE“ - უმუშევრობის შემწეობა