🎥 ბებია, რომელმაც შვილიშვილს სათამაშო კაქტუსი უყიდა ამბობს, რომ სათამაშო იგინება და კოკაინის მოხმარებაზე მღერის

სუპერმარკეტების ქსელი Wakmart-ი უცნაურ სკანდალში გაეხვია. 

საქმე ეხება, პოლონელი ანია ტანერის მიერ სუპერმარკეტ Walmart-ში 15 თვის შვილიშვილისთვის სათამაშო თოჯინის ყიდვას, რომელიც ანოტაციის მიხედვით ბავშვის განვითარებას ემსახურება და სამ ენაზე – ინგლისურად, ესპანურად და პოლონურად მღერის.

ეს ამბავი ერთი ჩვეულებრივი ამბავი იქნებოდა, რომ არა აღნიშნული სათამაშოს უჩვეულო მდგომარეობა. როგორც ქალმა მოგვიანებით აღმოაჩინა, სათამაშოში პოლონელი რეპერის Cypis-ის სიმღერაა ჩაწერილი, რომელიც კოკაინის მოხმარებაზე მღერის. 

"შოკირებული ვარ სიმღერის ტექსტით. ეს სათამაშო იგინება და კოკაინის მიღებაზე მღერის, ბავშვისთვის ვიყიდე. იმედი მაქვს Wallmart თანხას ამინაზღაურებს", – ამბობს ინტერვიუში ტანერი.

მომხმარებლის ჩივილს Walmart-ის კანადური ოფისი განცხადებით გამოეხმაურა:

"სათამაშო ჩვენი წარმოებული არ არის. მესამე მხარისგან შევიძინეთ, ამ დროისთვის ის გაყიდვიდან ამოღებულია, ვცდილობთ მეტი ინფორმაცია მოვიძიოთ მწარმოებლების შესახებ", – აღნიშნულია სუპერმარკეტის კანადური ოფისის მიერ გავრცელებულ ოფიციალურ განცხადებაში.

საქმე კიდევ უფრო შორს წავიდა.  Cypis-ის წარმომადგენლის თქმით, ჩინეთში დამზადებულ თოჯინაზე სიმღერა უკანონოდ გამოიყენეს და საავტორო უფლებების დარღვევისთვის ჩივილს აპირებენ.