ხვალ, 14 აგვისტოს, მარიამობის მარხვა იწყება - ყველაფერი რაც უნდა ვიცოდეთ მარხვის შესახებ

14 აგვისტოდან მარიამობის მარხვა იწყება, ყველაფერი რაც უნდა ვიცოდეთ მარხვის შესახებ.

მარიამობის მარხვა ზუსტად 14 დღე გაგრძელდება და 28 აგვისტოს დასრულდება ღვთისმშობლის მიძინების დღეს

როგორ დაწესდა?

იგი 1166 წელს კონსტანტინოპოლის საეკლესიო კრებაზე „ძველ განწესებათა თანახმად“ დაკანონდა. კრების თავმჯდომარე პატრიარქი ლუკა ყოფილა. ამ კრების შესახებ ბალსამონი წერს: „იმ დროისათვის ორჭოფობდნენ, თუ რამდენი დღე უნდა გაგრძელებულიყო მიძინებისა და შობის მარხვები, რაზეც წმიდა პატრიარქმა დაამოწმა: „მართალია, წერილობით არსადაა დაფიქსირებული ამ მარხვების ხანგრძლივობა, მაგრამ გადმოცემის საფუძველზე ერთი – პირველ (15) აგვისტოს, მეორე კი თხუთმეტ (28) ნოემბერს უნდა დაიწყოს“.

წმინდა ქალწული არის ჩვენი ყველაზე დიდი მეოხი უფლის წინაშე, ამიტომ თითოელი ჩვენთაგანი უნდა ვეცადოთ, მცირედით მაინც შევძლოთ დავიცვათ ეს მარხვა, ამ მძიმე დროს.საქართველოში იმდენად დიდი სიყვარული იყო ღვთისმშობლის მიმართ, რომ ქართველები განსაკუთრებული მოწიწებითა და კრძალვით იღვწოდნენ მარიამობის მარხვაში.

მარიამობის მარხვაში არ იჭმევა თევზი, რძის პროდუქტები, ხორცი, კვერცხი.

ვეცადოთ ამ დღეებში ხშირად ვილოცოთ ღვთისმშობლის წინაშე, ვიკითხოთ ღვთისმშობლის დაუჯდომელი, ლოცვები – “მოწყალებისა კარი განგვიღე”… ” ღვთისმშობელო ქალწულო გიხაროდენ..” გამოვითხოვოთ წყალობა და დალოცვა ჩვენი ტკბილი დედისაგან.

ასევე დაგაინტერესებთ:

🔵6 უცხოელი ტურისტიდან 2 გადარჩენილია - თეთნულდზე სამაშველო ოპერაცია გრძელდება

🔵როგორ უნდა მოვხვდე ამერიკაში? - პასუხი ყველაზე ხშირად დასმულ კითხვაზე

🔵რომში კაცი, რომელმაც ბანკის გაძარცვის მიზნით 6 მეტრის სიღრმეზე გვირაბი გათხარა, თავისივე გათხრილ გვირაბში გაიჭედა