მგზავრმა, რომელიც წონის გამო თვითმფრინავში არ აუშვეს ავიაკომპანიას სასამართლო მოუგო

როგორ არ დაუშვა ავიაკომპანიამ „ზედმეტად მსუქანი„ მგზავრი ბორტზე.

ყველაფერი იქიდან დაიწყო რომ ბრაზილიელი 38 წლის ინფლუენსერი ჯულიანა ნემე კატარის ავიახაზებმა ბორტზე არ დაუშვა, იმის გამო რომ ის ეკონომკლასისთვის ზედმეტად მსუქანი იყო. ჯულიანამ, ოჯახთან ერთად ბრაზილიაში დასაბრუნებლად, კატარის ავიაკომპანიის ბილეთი შეიძინა. კატარის აეროპორტში ერთ-ერთმა სტიუარდესამ ჯულიანას დედას დაურეკა და აუწყა რომ მისი ქალიშვილი არ იყო ბორტზე სასურველი, ვინაიდან ის ძალიან მსუქანი იყო. ავიაკომპანიის განცხადებით, ჯულიანას ბიზნესკლასის ბილეთი უნდა შეეძინა, წინააღმდეგ შემთხვევაში მას არ მიეცემოდა გაფრენის საშუალება. მან შეეცადა ავიაკომპანიის დარწმუნება, რომ მიეცათ გაფრენის უფლება, ვინაიდან ის სამ ადამიანთან ერთად შინ მიფრინავდა, თუმცა უშედეგოდ.

საქმე იმ დონემდე მივიდა, რომ ბეირუთში ბრაზილიის ელჩთან საუბარი გახდა საჭირო, თუმცა იმისათვის რომ ჯულიანა ოჯახთან ერთად სახლში, ლიბანიდან დოჰას გავლით გაფრენილიყო, მას მოუწევდა პირველი კლასის ბილეთის ყიდვა დაახლოებით 3000 ევროდ, მიუხედავად იმისა რომ მას უკვე ჰქონდა ეკონომკლასის ბილეთი.

აღსანიშნავია რომ მის წონას არანაირი დაბრკოლება არ შეუქმნია სხვა რეისებზე. გარდა ამისა ავიაკომპანიას მისთვის არ დაბრუნებია უკვე გადახდილი 1000 ევრო. ჯულიანა ჩივის იმის გამო, რომ ისეთი მაღალი კლასის ავიაკომპანია როგორიც კატარის ავიახაზებია, არ შეეფერება კლიენტების დამცირება აეროპორტში ყველას თვალწინ, სიმსუქნის გამო.

მან მიღებული ფსიქოლოგიური ტრავმის შემდეგ, ავიაკომპანიას უჩივლა, სადაც სასამართლოს პროცესი მოიგო. სან-პაულოს სასამართლომ ავიაკომპანიას ჯულიანას სასარგებლოდ დააკისრა 3.200,00 $ ღირებულების ფსიქოლოგთან ერთწლიანი თერაპიული კურსის დაფინანსება. თავის ინსტაგრამის გვერდზე, ჯულიანა გამომწერებს რთულ პერიოდში გვერდში დგომისათვის მადლობას უხდის და მოუწოდებს რომ ხმა ამოიღონ ყოველგვარი დისკრიმინაციის წინააღმდეგ, განსაკუთრებით როცა სიმსუქნის გამო ბულინგის მსხვერპლი ხვდები.

ამირან ხინიკაძე-ქადიეშვილი, სპეციალურად ექსკლუზივიტივისთვის გერმანიიდან

წყარო: www.20min.ch