საქართველოში "ექიმ" რობოტებს შემოიყვანენ

საქართველოში ქართულ ენაზე ადაპტირებული "ექიმი” რობოტების შემოყვანა იგეგმება. როგორც კომპანია mydoc.ge-ის თანადამფუძნებელი ირაკლი სასანია ამბობს, კომპანია სახელმწიფოსთვის და კერძო სექტორისთვის ქართულ ენაზე ადაპტირებული რობოტების შემოყვანას გეგმავს, რომელიც ექიმებს პაციენტებთან კომუნიკაციაში დაეხმარება. პირველი რობოტი ქვეყანაში 3 კვირაში შემოვა. მას შეეძლება პაციენტებთან პალატაში შესვლა, წამლების მიწოდება და გასაუბრება სპეციალისტის დახმარებით.

“რობოტი პეპერი კი ღიმილს იწვევს ჩვენში, მაგრამ მას თავისი დანიშნულება აქვს, რომელიც პანდემიის დროს აუცილებლად უნდა გამოვიყენოთ. მას შეუძლია რომ მივიდეს პაციენტებთან და ტელესამედიცინო არხების საშუალებით მოხდეს კონსულტაცია, დისტანციურად შეაფასოს პაციენტის მდგომარეობა ვიზუალურად, გამოკითხოს და ა.შ. ეს ძალიან მნიშვნელოვანია, რადგან ჩვენ ხშირად გვესმის პაციენტებისგან ჩივილი, რომ უყურადღებოდ არიან, ვერ ესაუბრებიან ექიმებს. სწორედ ამ მიმართულებით გადაწყვეტილებას ძალიან მალე შევთავაზებთ საზოგადოებას. ჩვენი კომპანია მუშაობს რობოტების ადაპტაციაზე საქართველოში და ალბათ სახელმწიფო გამოიყენებს კოვიდ სასტუმროებში თუ კლინიკებში. იმედი გვაქვს, რომ იქნება დაინტერესება, გვინდა, რომ რამდენიმე პილოტური მოდელი ჩამოვიტანოთ საქართველოში, რომელიც იქნება ქართულად ადაპტირებული. მას შეეძლება რომ მივიდეს, დაიაროს პალატები, ნახოს პაციენტები, მიუტანოს წამლები, გამოკითხოს, დაელაპარაკოს სპეციალისტის საშუალებით“-ამბობს ირაკლი სასანია, mydoc.ge-ის თანადამფუძნებელი.

წყარო:BM.GE

ასევე დაგაინტერესებთ:

🔵სიცილიის ეპარქია ბოდიშს იხდის

🔵100 დაღუპული ადამიანი, დანგრეული და განადგურებული სახლები, მთლიანად მოშლილი ინფრასტრუქტურა (ფოტორეპორტაჟი)

🔵"ნუ ღრიალებ" - ედუარდ შევარდნაძის ცნობილი ფრაზა 22 000 დოლარად იყიდება