"სამი წელია იტალიაში ვარ და როცა წარმომავლობას იგებდნენ.... ა, ჯორჯია, თქვენი პრეზიდენტი პუტინია ხომ? მპასუხობდნენ" - ემიგრანტი იტალიიდან

იტალიაში მყოფი ემიგრანტი ცირა მამფორია, სოციალურ ქსელში რუსეთ-უკრაინის ომის ფონზე საქართველოში განვითარებულ მოვლენებს ეხმაურება და წერს, რომ იტალიაში ადგილობრივებს მისი ქვეყნის პრეზიდენტი პუტინი ჰგონიათ.

"ზუსტად სამი წელია იტალიაში ვარ.

ამ არც თუ ისე მოკლე დროში, ბევრი ადამიანი გავიცანი და სამსახურის დაწყების მიზნით, ბევრ გასაუბრებაზეც ვიყავი.

უცხოელი თუ ხარ, იტალიელები, რომლებსაც დედამიწის ზურგზე ყველაფერი აინტერესებთ, გეკითხებიან ყველაფერს.

პირველი კითხვა ყოველთვის, რა თქმა უნდა სახელის შემდეგ, წარმომავლობაა.

აბა მე ამ კითხვას თავს როგორ ავარიდებდი და როცა მეკითხებოდნენ ჩვეულებრივად ვპასუხობდი, რომ ვარ "ჯორჯიადან", მაგრამ არა ამერიკის შტატიდან, არამედ ევროპის ერთ-ერთი ულამაზესი და პატარა ქვეყნიდან.

სხვებთან არ ვიცი როგორ ხდებოდა, მაგრამ ჩემს შემთხვევაში, მორიგი კითხვა ფრაზა იყო, - ა ჯორჯია, თქვენი პრეზიდენტი პუტინია ხომ?

ჰოდა მიწევდა ახსნა:

რომ პუტინი ჩვენი პრეზიდენტი კი არა ოკუპანტია,რომელსაც ოკუპირებული აქვს ჩვენი ქვეყნის 20%-ზე მეტი;

ის, რომ რუსეთი სხვა არის და საქართველო სხვა დამოუკიდებელი ქვეყანა;

ის, რომ ყველას გვძულს და არავის გვიყვარს პუტინი და მეტ-ნაკლებად რუსეთი საქართველოში (თურმე ვცდებოდი ბევრ მოღალატეს ყვარებია !)

ახლა დავფიქრდი და მივხვდი, ნამდვილად ჭკვიანი ხალხია იტალიელები, აბა ქართველებზე ადრე როგორ იცოდნენ, რომ პუტინია ჩვენი ქვეყნის "არაფორმალური" მმართველი, რომელმაც მოგვივლინა თავისი მონები "ქართული ოცნების" და ბატონი ბიძინის სახით !", - წერს ემიგრანტი. 

სხვა სიახლეები:

⬛ ქართველები იტალიაში: „სატელევიზიო მოწოდებიდან ზუსტად 30 წუთში, ხალხის მასამ ტაძართან შეგროვება დაიწყო“

⬛ რუსი ოკუპანტები უკრაინის საავადმყოფოებს ისევ ბომბავენ - ქვეყანაში სისხლისა და ჟანგბადის დეფიციტია