"ამიზა სად ვიყავი წასული" - გიორგი კეკელიძე დედის მიერ გამოგზავნილ წერილს აქვეყნებს

საქართველოს ეროვნული ბიბლიოთეკის დირექტორი გიორგი კეკელიძე, სოციალურ ქსელში დედის დღესთან დაკავშირებით ფოტოს აქვეყნებს და წერს:

"დედის დღეა. რამდენიმე კვირის წინ რაღაც შეხვეული ფუთა გამომიგზავნა.

ჰოდა, სანამ ფუთას გავხსნით, ამბავს შესავალი სჭირდება.

უკვე სრულიად ბანალურ და უიმედოდ აუცილებელ კითხვებს ხან წინ უსწრებს და ხანაც მოსდევს - ,,თმები გჭირდება".

მე, ამხელა ნარცისი კაცი, აბა, როგორ ვიგუებ ამ მოწოდებას და ვეუბნები, ასეც ძალიან მიხდება მეთქი.

მასე ვის უხდებაო, რომ მეუბნება, ურბანული ფოლკლორიდან ვიცი საზეპირო და იმას ვაგებებ:

ჯეისონ სტეითემს მეთქი.

ეგ ჯეისონ სტეითემი და მისი ფილმები დიდად მეც არ მომეხსენება, მაგრამ რადგან სხვაგან ჭრის, ბარემ აქაც იყოს, თუმცა - ამაოდ.

აბა, კეპი რატომ გახურავსო?

კეპი, მეთქი იმიჯია, ბიუროკრატის სტერეოტიპს ვამსხვრევ!

ამოყვანა რომ მინდოდეს, გადავინერგავდი! და კიდევ მაქვს მომზადებული რამდენიმე მკვლელი ფრაზა - ეგეც ამაოდ.

და, აი, ფუთაში, ყინულებში შეფუთული რაღაც წამალი დევს.

და წამალს ახლავს ეს ინსტრუქცია. გაეცანით", - წერს გიორგი კეკელიძე.

საქართველოში დედის დღე, რომელიც სამ მარტს 1991 წლიდან აღინიშნება, საქართველოს პირველი პრეზიდენტის ზვიად გამსახურდიას მიერ არის დამკვიდრებულია.

ასევე დაგაინტერესებთ:

* ღარიბაშვილი: ერთი წელი შესრულდა ევროკავშირის წევრობაზე ოფიციალური განაცხადიდან, მწამს, რომ ისტორიული პროცესი მალე დაგვირგვინდება ევროკავშირის სრულფასოვანი წევრობით