"დღეს კიდევ ერთი პატარა ანგელოზის სიცოცხლე გამოვგლიჯეთ კიბოს ხელიდან" - ნუგზარ სულაშვილი

საფრანგეთში მოღვაწე, "AFG"- ის გენერალური ასამბლეის აღმასრულებელი დირექტორი, ნუგზარ სულაშვილი, სოციალურ ქსელში პოსტს აქვეყნებს:

"დღეს კიდევ ერთი პატარა ანგელოზის სიცოცხლე გამოვგლიჯეთ კიბოს ხელიდან.

რომ მკითხოთ ეს მერამდენეა, ნამდვილად ვერ გეტყვით, ან გეტყვით, რომ - ბევრზე ბევრი...

როდესაც ევროპარლამენტიდან მომდის კულუარული შეტყობინებები იმასთან დაკავშირებით, რომ დეპუტატების გარკვეული ნაწილი მსჯელობს, საქართველოსთან გამარტივებული ვიზების შეზღუდვაზე, პირველი რაც მეფიქრება, პატარა ონკო-პაციენტების ბედია.

ბევრს გახსოვთ ალბათ, თუ რა დაძაბული ურთიერთობა მქონდა იაშვილის კლინიკასთან.

ეს ყველაფერი უკავშირდებოდა არასწორი დიაგნოზით გამოწვეულ გართულებებს...

მე არასოდეს შევხებივარ ქართველი მედიკოსების პროფესიულ კომპეტენციას.

ამ კლინიკას ჰყავს მაღალი კვალიფიკაციის მედპერსონალი, მაგრამ არ აქვთ მაღალი ტექნოლოგიების სამედიცინო ტექნიკა და შესაბამისი ლაბორატორიები.

სამწუხაროდ მსგავსი ფუფუნებისთვის არ უზრუნია საქართველოს ხელისუფლებას...

ამჯერად საყვედურების ნაცვლად მადლობას ვუხდი უამრავ ექიმს, რომელიც უიმედო პაციენტების გადასარჩენად თავად მიკავშირდება და ეძებს გზას პრობლემის გადასაჭრელად.

მოკლედ ბევრი რომ არ გავაგრძელო, ყველა თქვენგანი ათვითცნობიერებს შესანიშნავად, რომ გამარტივებულმა სავიზო რეჟიმმა, უამრავ ჩვენს თანამემამულეს მისცა უნიკალური შანსი სიცოცხლის გადასარჩენად და დღეს სწორედ ეს შანსი ბეწვზე ჰკიდია...

თუ საქართველოს ხელისუფლებამ არ მოთოკა საკუთარი ამბიციები და უარი არ თქვა პრორუსულ კურსზე, მათ კისერზე იქნება იმ ბავშვების ცოდვა, რომელთა სიცოცხლის გარანტიაც, აქ, ევროპაშია და არა გაფარჩაკებულ რუსულ ამბულატორიებში", - წერს სულაშვილი.

სხვა სიახლეები:

🔳 დემაგოგები არიან - დესტრუქციას სად ხედავენ? - „ნაციონალები“ „ქართულ ოცნებაზე“

🔳 სამხრეთ კორეის პრეზიდენტმა, ქვეყნის ყოფილი პრეზიდენტი შეიწყალა, რომელიც კორუფციის ბრალდებით იხდიდა სასჯელს

🔳 ალეკო ელისაშვილი: სააკაშვილი თბილ პალატაშია, ამ ადამიანებს კი ამ სიცივეში აწვალებენ

🔳 ზურაბ გურული: საქართველოში ე.წ. "ქოლ-ცენტრების" მუშაობაში ათეულ ათასობით ახალგაზრდა, თან უცხო ენების საკმაოდ კარგად მცოდნენი, ჩაბმული არიან კრიმინალურ საქმიანობაში