ზურაბ გურული: საქართველოში ე.წ. "ქოლ-ცენტრების" მუშაობაში ათეულ ათასობით ახალგაზრდა, თან უცხო ენების საკმაოდ კარგად მცოდნენი, ჩაბმული არიან კრიმინალურ საქმიანობაში

აშშ-ში მოღვაწე ექიმი, ზურაბ გურული სოციალურ ქსელში წერს:

"ბევრი ალბათ, ვერც აცნობიერებს საქართველოში ე.წ. "ქოლ-ცენტრების" არსებობის სრულ ტრაგედიას.

ათეულ ათასობით ახალგაზრდა, თან უცხო ენების საკმაოდ კარგად მცოდნენი, ჩაბმული არიან კრიმინალურ საქმიანობაში.

მათ მოქმედებას კი სრულიად აკონტროლებენ გაკრიმინალებული ძალოვნები.

ზუსტად არის გადმოტანილი პოსტსაბჭოთა რუსული მოდელი.

რა იქნება შემდეგი სკანდალი? არალეგალური "გემბლინგი", ინდუსტრიალიზებული პროსტიტუცია, ნარკობიზნესი?

და ეს ყველაფერი ფსევდო-ლეგალური საფარის ქვეშ.

საქართველო თავისი გეოგრაფიული მდებარეობის გამო პრაქტიკულად ევროპა-აზიის გზაგასაყარის "შავ ხვრელად" ყალიბდება.

აბსოლუტურად ყველა სისტემა, საერო, სასულიერო, სოციალური, პოლიტიკური, კრიმინალური სინდიკატების ყაიდაზე ფუნქციონირებენ.

ქართული საზოგადოებისათვის მიმართვას აზრი არა აქვს;

ერთადერთი ისევ ახალგაზრდებს თუ ვურჩევ.

მიუხედავად იმისა, რომ თქვენს გაუბედურებულ სამშობლოში პატიოსნად მუშაობაში მხოლოდ რამდენიმე ასეულ გაუფასურებულ ლარს გიხდიან, ნუ წაიწყმედთ სულს ათასამდე დოლარის ფასად.

თქვენი დოსიეები მუდმივად დარჩება კრიმინალების ხელში და არავინ იცის სად ამოგიტივტივდებათ.

პრაქტიკულად თქვენს სულს ჰყიდით და ჰყიდით ძალიან იაფად.

კომპიუტერს და ენას თუ ასე კარგად ფლობთ, სხვა მიმართულებით გამოიყენეთ თქვენი ნიჭი, ისწავლეთ;

წადით საზღვარგარეთ, პატიოსნად იმუშავეთ.

ვიცი ძნელია, გრძელი გზაა, მაგრამ ნუ დახარბდებით იოლ ფულს.

ნუ შეეჩვევით "ავის ქმნას".

მაგ მოჩვენებითი სიიოლით გაგხრწნიან ბოროტი ხვადაგები და მერე მოგისვრიან, სამუდამოდ უმომავლოდ დაგტოვებენ.

თქვენი ცოდვა მიეცა იმათ, ვინც საქართველო ევრაზიის "სამორინედ" და "ბორდელად" აქცია", - წერს გურული.

სხვა სიახლეები:

🔳 "ღამის პირველის ნახევარზე კაცი წაიყვანეს და 60-მილიონიანი ქარხანა გადაფორმდა სააკაშვილის ძმაკაცზე" - ჯონდი ბაღათურია

🔳 გაფრთხილება: სადაც არ არის დაცული ჰიგიენური ნორმები და ხორცის შენახვის პირობები, ხორცის შეძენისაგან თავი შეიკავეთ!

🔳 „ქურდული სამყაროს“ წევრობის ბრალდებით დაკავებულია 4 ადამიანი (ვიდეო)

🔳 გლდანში, საცხოვრებელ სახლში აფეთქება მოხდა - არიან დაშავებულები