გიორგი გაბუნია: კარგად გვახსოვს სააკაშვილი პატრიარქის სავარძელში წამოგორებული, ვისკით, კონიაკით და კიდევ სხვადასხვა ნივთიერებით გაბრუებული ადამიანი, რომელიც ისე ესაუბრებოდა უმაღლეს იერარქებს და პატრიარქს, რომ ფეხზეც არ დგებოდა

ჩვენ კარგად გვახსოვს სააკაშვილი პატრიარქის სავარძელში წამოგორებული, ვისკით, კონიაკით და კიდევ სხვადასხვა ნივთიერებით გაბრუებული ადამიანი, რომელიც ისე ესაუბრებოდა უმაღლეს იერარქებს და პატრიარქს, რომ ფეხზეც არ დგებოდა, - განაცხადა პარლამენტის კულტურის კომიტეტის თავმჯდომარემ გიორგი გაბუნიამ.

იგი ამგვარად გამოეხმაურა ილია მეორის შესახებ პატიმარ მიხეილ სააკაშვილის ფეისბუკ პოსტს.

„ეს ადამიანი, რომელიც დღე და ღამე ყიდდა ჩვენი ქვეყნის ეროვნულ ინტერესებს, გამოდის და ბედავს, რომ პატრიარქს, მის მოღვაწეობას, ეკლესიას აკრიტიკებს. ეს კიდევ ერთი ნათელი დადასტურებაა იმისა, რომ არა მხოლოდ მისი საქმიანობის განმავლობაში, როდესაც პირდაპირ მიჰქონდათ იერიში ეკლესიაზე, პირადად პატრიარქზე, დღესაც გრძელდება ეს სიძულვილის კამპანია ეკლესიის წინააღმდეგ“, - განაცხადა გაბუნიამ.

„2014 წელს ის ჩავიდა მოსკოვში, შეხვდა პუტინს და უთხრა შემდეგი ფრაზა - „ერთ პიროვნებას არ უნდა გადავაყოლოთ ორ ხალხს შორის ურთიერთობა“. ამ ერთ პიროვნებაში, რა თქმა უნდა, მე ვიგულისხმებოდი და ის, რომ სწორედ ჩემს გამო ვერ შეძლო პუტინმა 2008-ში საქართველოს დაპყრობა. ეს განცხადება ყველამ თვითონ შეაფასეთ (ისტორიის შეფასება იქნება მკაცრი)", - დაწერა სააკაშვილმა პატრიარქის შესახებ სოციალურ ქსელში.