ისეთი სამარცხვინო განცხადებები კეთდება, არაფერი აღარ მჯერა მაგათი - კალაძე უკრაინის ხელისუფლებაზე

„ქართული ოცნების" გენერალური მდივანი, თბილისის მერი, კახა კალაძე უკრაინის საგარეო საქმეთა მინისტრის, დმიტრო კულებას განცხადებას სამარცხვინოს და მიუღებელს უწოდებს.

ამასთან, კალაძე ამბობს, რომ მტკიცებულებების არსებობის შემთხვევაში, უკრაინულმა მხარემ ის უნდა წარმოადგინოს.

„მე ყველაფერი მესმის, რომ ქვეყანა ომშია. ყველანაირად თავს ვიკავებთ, რომ რაღაცა კომენტარი გავაკეთოთ, ყველაფერს ვაკეთებთ, რომ უკრაინას და უკრაინელ ხალხს მხარში დავუდგეთ და არა ერთი მნიშვნელოვანი გადაწყვეტილება იყო ჩვენი მხრიდან საერთაშორისო პლატფორმებზე მიღებული და ამას ჩვენი სტრატეგიული პარტნიორები ღიად აღნიშნავენ, მაგრამ ის სამარცხვინო განცხადებები, რაც მოდის ბოლო დღეების განმავლობაში, კატეგორიულად მიუღებელია.

ისეთი სამარცხვინო განცხადებები კეთდება, არაფერი აღარ მჯერა მაგათი. კეთილი ინებონ და მტკიცებულებები წარმოადგინონ," - განაცხადა კალაძემ.

კალაძე, კატეგორიულად გამორიცხავს სანქციებში მყოფი კომპანიების საქართველოში ფუნქციონირებას.

"საქართველოში არსებობს კანონები და კანონების ფარგლებში ყველაფერს გავაკეთებთ იმისთვის, რომ სანქციებში მყოფი კომპანიები, რა თქმა უნდა, საქართველოში ვერანაირ მოღვაწეობას ვერ შეძლებენ," - აღნიშნავს, კახა კალაძე.

ცნობისთვის,  უკრაინის თავდაცვის სამინისტროს დაზვერვის მთავარი სამმართველოს ინფორმაციით, რუსეთი სანქციების ქვეშ მოქცეული სამხედრო დანიშნულებისა და სხვა სახის პროდუქტის კონტრაბანდის არხებს ქმნის, რომელიც მათ შორის საქართველოს ტერიტორიაზე ქვეყნის ხელისუფლების თანხმობის საფუძველზე გაივლის.

უკრაინის საგარეო საქმეთა მინისტრის, დმიტრო კულებას განცხადებით, უკრაინა საქართველოს ელჩისგან ელის მტკიცებულებებს, რომ საქართველო რუსეთს სანქციების გვერდის ავლაში არ ეხმარება.

ასევე დაგაინტერე­­­­სებთ:

🔵„შესაძლებელია, ბუჩაში დატრიალებული სასაკლაოს  თანამზრახველიც გახდე, თუ ბუჩას მოვლენებს არ აღიქვამ, როგორც საკუთარ სიკვდილს, გოდებას, სისხლს“ - ნანა ჯანელიძე

🔵ახმეტაში, 3 წლის ბავ­შვმა ფსი­ქოტ­რო­პუ­ლი პრეპარატი და­ლია, მისი გადარჩენა ვერ მოხერხდა

🔵მოემზადეთ ივნის/ივლისის კოვიდ აფეთქებისთვის, ორი ახალი კოვიდ ვარიანტი წამოვიდა ერთდროულად აზიიდან და ევროპიდან - გიორგი ფხაკაძე