კახეთში, "სიღნაღის სახვითი ხელოვნების ფესტივალი" გაიმართა

კახეთში, სიღნაღის სახვითი ხელოვნების ფესტივალი გაიმართა. ინფორმაციას ამის შესახებ საქართველოს ეროვნული მუზეუმი ავრცელებს.

2022 წლის 21-26 აგვისტოს სიღნაღის ისტორიულ-ეთნოგრაფიულმა მუზეუმმა უმასპინძლა სიღნაღის სახვითი ხელოვნების ყოველწლიურ ფესტივალს, რომლის მიზანი მხატვრებისა და მოქანდაკეებისთვის შემოქმედებითი სივრცის შექმნა და სახვითი ხელოვნების ამ დარგების განვითარების ხელშეწყობა იყო.

წელს საკონკურსო პროგრამა ფერწერითა (აკრილი) და მცირე ქანდაკებით (ხე, ლითონი, თაბაშირი)  განისაზღვრა. 
 ფესტივალში პროფესიონალი მხატვრები და მოქანდაკეები მონაწილეობდნენ.

კონკურსის ჟიურის წევრები იყვნენ მხატვარი ყარამან ქუთათელაძე, მოქანდაკე ჯუმბერ ჯიქია და ფილოსოფოსი დავით ანდრიაძე.

საქართველოს ეროვნული მუზეუმის მხრიდან პროექტს კურატორობდა ხელოვნებათმცოდნე ნანა შერვაშიძე, საორგანიზაციო მხარდაჭერას უწევდა სიღნაღის ისტორიულ-ეთნოგრაფიული მუზეუმის გუნდი.

ფესტივალის ჟიურის გადაწყვეტილებით, მონაწილეთათვის  განკუთვნილი ფულადი ჯილდო ყველას თანაბრად გადაუნაწილდა.

კონკურსის მონაწილეებს სერთიფიკატები პარლამენტის წევრმა დავით სონღულაშვილმა, სიღნაღის მუნიციპალიტეტის მერმა მალხაზ ბეგიაშვილმა და საქართველოს ეროვნული მუზეუმის გენერალური დირექტორის მოადგილემ თეონა ჯაყელმა გადასცეს.

ასევე დაგაინტერესებთ:

📍რუსეთმა ევროპას გაზის მიწოდება ისევ შეუწყვიტა