"ხატია, ქვეყნის კონსტიტუციას და კანონს არ იცნობ?! რა აღარ მოგწონს ქართულ პოლიციაში?" - რატომ აკრიტიკებს თამთა მეგრელიშვილი ხატია დეკანოიძეს

საჯარო მმართველობის დოქტორი თამთა მეგრელიშვილი "ნაციონალური მოძრაობის" ქუთაისის მერობის კანდიდატის ხატია დეკანოიძის ინიციატივას, რომ ქუთაისი იქნება პირველი ქალაქი, სადაც შერიფს აირჩევენ, სოციალურ ქსელ ფეისბუკში ეხმაურება.

როგორც მეგრელიშვლი წერს, ამერიკის მაგალითზე შერიფის ინსტიტუტი თავისთავად საინტერესო ფენომენია, მაგრამ ქართულ რეალობას ვერ მოერგება.

"ხატია, ქვეყნის კონსტიტუციას და კანონს არ იცნობ?! სამართლებრივი საფუძველი სჭირდება შენ მიერ საარჩევნოდ შემოთავაზებულ შერიფის ინსტიტუტს.

ამერიკის მაგალითზე თუ ვიმსჯელებთ, დიახ, ამერიკის დემოკრატიის ერთ-ერთი მთავარი პრინციპი სამართალდამცავი უწყებების დეცენტრალიზაცია და არჩევითობის პრინციპია.

ამით გამოირიცხება მთავრობის გავლენა მათზე, რაც არ არის ცუდი, მაგრამ ყველაფერს თავისი სპეციფიკა აქვს და copy paste იშვიათ შემთხვევებში ამართლებს და მაინც ვინ არის შერიფი? შერიფი არის პირი, რომელიც უმეტეს შემთხვევაში აირჩევა მოსახლეობის მიერ 2-6 წლამდე ვადით.

მისი პრეროგატივა შტატების მიხედვით განსხვავებულია, მაგალითად: ციხის მართვა, პატრულირება, სახელმწიფო ობიექტების დაცვა, დაჯარიმება, დანაშაულის გამოძიება და სხვა.

შერიფის ინსტიტუტი თავისთავად საინტერესო ფენომენია, მაგრამ ქართულ რეალობას ვერ მოერგება და მაინც, შენთან მაქვს კითხვა, რა აღარ მოგწონს ქართულ პოლიციაში? შერიფის კოპირება და ისიც მხოლოდ ერთ ქალაქში ცოტა უცნაურია", - წერს თამთა მეგრელიშვილი.

ასევე დაგაინტერესებთ:

🔵 "სააკაშვილი უნდა გასამართლდეს, მაგრამ მოვუწოდებთ "ნაცმოძრაობას", რომ დაუყონებლივ მიმართონ სტრასბურგის სასამართლოს სააკაშვილის სამოქალაქო კლინიკაში გადაყვანის მოთხოვნით" - ანა დოლიძე

🔵 "მართლა სჯერათ, რომ ყველაფერჩიკი ექსპერტები არიან?" - ბაია პატარაია ჟურნალისტებს აკრიტიკებს

🔵 ოსკაროსანი კომპოზიტორის მარიანელის “ბეატრიჩე” თბილისშია