„კოვიდის ახალი შტამი უკვე საქართველოშია, რომელიც ძველ ომიკრონთან შედარებით 1.5-ჯერ უფრო გადამდებია“ - რა ინფორმაციას ავრცელებს გიორგი ფხაკაძე

„კოვიდის ახალი შტამი  უკვე საქართველოშია, რომელიც ძველ ომიკრონთან შედარებით 1.5-ჯერ უფრო გადამდებია“ - ინფორმაციას გიორგი ფხაკაძე ავრცელებს.

„კოვიდის ახალი შტამი - ომიკრონი (BA.2) უკვე საქართველოშია, ძველ ომიკრონთან შედარებით 1.5-ჯერ უფრო გადამდებია.

კოვიდ გადატანილები (სავარაუდოდ, BA.1 ომიკრონითაც), ორჯერ აცრილები ფაიზერით და სინოვაკი/სინოფარმით (ამ ორმა ვაქცინამ საერთოდ დაკარგა ეფექტურობა)არ არიან დაცული.

არაერთი კვლევა უკვე დაიდო, რომ სინოვაკის და სინოფარმის ვაქცინები არ იცავენ ადამიანებს კოვიდის ომიკრონის ვარიანტისგან!

დიახ სინოვაკმა და სინოფარმმა დაკარგა ეფექტურობა კოვიდის ომიკრონის ვარიანტის მიმართ.

ასევე ცნობილია, რომ მხოლოდ ფაიზერის მე-3 დოზა იძლევა 70-90%-იან დაცულობას და თუ ვაქცინირებული ადამიანი დაინფიცირდა (30-10%), ამ დაინფიცირებულებში სიკვდილიანობა არის მხოლოდ 0.1% და ჰოსპიტალიზაცია დაახლოებით 1%.

ბოლო სიახლეები ასევე “ჯოგური იმუნიტეტის” შესახებ. კოვიდ გადატანილების იმუნიტეტი არ იცავს ადამიანს ხელახლა დაინფიცირებისგან, განსაკუთრებით ომიკრონის ახალი შტამის (BA.2) შემთხვევაში, რომელიც უკვე გავრცელებულია საქართველოში!

რა ვქნათ:

აიცერით მხოლოდ ფაიზერით ან მოდერნას ვაქცინით 3 დოზით!

ორი დოზა ფაიზერი და მოდერნა ვეღარ გიცავთ (დაახლოებით 30% დაცულობა აქვს). სინოფარმი და სინოვაკი საერთოდ ვერ გიცავთ 3 დოზაც.

კოვიდ გადატანილი “იმუნიტეტი” არ/ვერ გიცავთ და აიცერით ფაიზერით ან მოდერნას ვაქცინით 3 დოზით.

გამოიყენეთ სამედიცინო პირბადე.

დაიცავით დისტანცია და ერიდეთ ხალხმრავალ ადგილებს.

ხშირად დაიბანეთ ხელები.

გაანიავეთ ოთახები/შენობები ხშირად.

იარეთ სუფთა ჰაერზე, ამით “დ” ვიტამინს მიიღებთ.

მიირთვით ყოველდღიურად 5 სხვადასხვა ხილი/ბოსტნეული. ამით ნატურალურად მიიღებთ საჭირო ვიტამინებს.

შეინარჩუნეთ პოზიტიური განწყობა. ჯანმრთელობას გისურვებთ“,- წერს გიორგი ფხაკაძე.

ასევე საინტერესოა:

🔵  ბავშვს ბატარეა საყლაპავში გაეჭედა, შედეგად სისხლი „მჟავად ექცა“, ხოლო გულში 18 მილიმეტრი დიამეტრის ხვრელი ამოეწვა - დიდ ბრიტანეთში ბავშვი სათამაშომ იმსხვერპლა

🔵  საია: ევროსასამართლომ 2008 წლის ომზე რუსეთის წინააღმდეგ ინდივიდუალური საჩივრების განხილვა დაიწყო

🔵  „ჩემი ბავშვობა დამთავრდა….“ - ტელეწამყვანი თათია შარანგია სოციალურ ქსელში ემოციურ პოსტს აქვეყნებს