ლევან მახაშვილი: არ არის ახალი, როდესაც იმის ნაცვლად, რომ დიალოგისთვის გაწვდილ ხელს შეაგებონ ასევე, დიალოგისთვის გამოწვდილი ხელი, დავსხდეთ მაგიდასთან და ვისაუბროთ, უსტარებით და ევროპარლამენტის რეზოლუციებით გველაპარაკებიან

არ არის ახალი, როდესაც იმის ნაცვლად, რომ დიალოგისთვის გაწვდილ ხელს შეაგებონ ასევე, დიალოგისთვის გამოწვდილი ხელი, დავსხდეთ მაგიდასთან და ვისაუბროთ, ამის ნაცვლად ჩვენ უსტარებით, დეპეშებით და ევროპარლამენტის რეზოლუციებით გველაპარაკებიან, - განაცხადა პარლამენტის ევროინტეგრაციის კომიტეტის თავმჯდომარემ, ლევან მახაშვილმა, ვიზალიბერალიზაციის შეჩერების მუქარასთან დაკავშირებით.

მისი თქმით, საქართველოს ხელისუფლება მზად არის დიალოგისთვის ისეთ ფორმატში, სადაც მას ესაუბრებიან, როგორც პარტნიორს.

„არაერთი ნაბიჯი გადავდგით უკვე საგაზაფხულო სესიების განმავლობაში, რათა მათ შორის ვიზალიბერალიზაციასთან დაკავშირებული საკითხები ყოფილიყო გარანტირებული, როდესაც საქმე ეხებოდა მაგალითად, უკანონო მიგრაციას, თავშესაფრის პოლიტიკის საკითხებს, საინფორმაციო კამპანიას, ორგანიზებულ დანაშაულთან ბრძოლას და ა.შ. რაც შეეხება პოლიტიკურ პროცესს, ესეც არ არის ახალი, როდესაც იმის ნაცვლად, რომ დიალოგისთვის გაწვდილ ხელს შეაგებონ ასევე, დიალოგისთვის გამოწვდილი ხელი, დავსხდეთ მაგიდასთან და ვისაუბროთ, ამის ნაცვლად ჩვენ უსტარებით, დეპეშებით და ევროპარლამენტის რეზოლუციებით გველაპარაკებიან. ეს არ არის ის გზა და ის ნაბიჯი, რითაც და როგორც უნდა ესაუბრო პარტნიორს. პარტნიორს, რომელსაც აფასებ და რომელთანაც ურთიერთობა შენთვის არ არის სულერთი“, - განაცხადა ლევან მახაშვილმა.