მაჭავარიანი: რაც ირაკლი კობახიძე გახდა პრემიერ-მინისტრი, ყველა განკარგულება არის აბსოლუტურად გამჭვირვალე, მან შეცვალა ქონების პირდაპირი წესით პრივატიზების პრაქტიკა, ჩამოაყალიბა ეფექტიანობის დეპარტამენტი, გააძლიერა აუდიტის სამსახური

უნდა დააკვირდნენ, როგორ ვითარდება მოვლენები, რაც ირაკლი კობახიძე გახდა პრემიერ-მინისტრი, აბსოლუტურად ყველა განკარგულება იმ დღიდან არის აბსოლუტურად გამჭვირვალე, მან შეცვალა ქონების პირდაპირი წესით პრივატიზების პრაქტიკა, მან ჩამოაყალიბა მთავრობის ეფექტიანობის დეპარტამენტი, რომელიც მუშაობს კორუფციის გამოვლენასა და აღმოფხვრაზე, გააძლიერა აუდიტის სამსახური, - განაცხადა გადაცემაში „იმედი Live” საპარლამენტო ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა ირაკლი კობახიძის პრემიერობის ორწლიან პერიოდზე საუბრისას.

მისვე თქმით, ირაკლი კობახიძე არის საქართველოს პატრიოტი, კეთილსინდისიერი ადამიანი, მიზანდასახული პროფესიონალი.

„მინისტრთა კაბინეტი თითქმის სრულად შეიცვალა, შემიძლია ყველაზე ცალ-ცალკე ვისაუბრო, მაკა ბოჭორიშვილზე, პაატა სალიაზე. მაგრამ მაინც გამოვყოფდი სახელმწიფო უსაფრთხოების სამსახურის უფროსის თანამდებობაზე ბატონი მდინარაძის კანდიდატურის დამტკიცებას და გეკა გელაძეს - შინაგან საქმეთა მინისტრს. ჩვენი მოქალაქეები ხედავენ, მათთვის ძალიან მნიშვნელოვან საკითხებს როგორ წყვეტს ახალი მინისტრი. ეს არის ორგანიზებულ დანაშაულთან, ნარკორეალიზატორებთან, არალეგალურ მიგრაციასთან ბრძოლა და ასე შემდეგ.

ხშირად გვეკითხებიან, რომ მომავალშიც იგივე არ მოხდება[კორუფცია]? უნდა დააკვირდნენ როგორ ვითარდება მოვლენები, რაც ირაკლი კობახიძე გახდა პრემიერ-მინისტრი. აბსოლუტურად ყველა განკარგულება იმ დღიდან არის აბსოლუტურად გამჭვირვალე, მან შეცვალა ქონების პირდაპირი წესით პრივატიზების პრაქტიკა. მან ჩამოაყალიბა მთავრობის ეფექტიანობის დეპარტამენტი, რომელიც მუშაობს კორუფციის გამოვლენასა და აღმოფხვრაზე, გააძლიერა აუდიტის სამსახური.

ბატონი კობახიძის პირობებში უპრეცედენტო ამბავი მოხდა - გაციფრულებულია მთელი შესყიდვების პროცესი, სადაც შემსყიდველ და მიმწოდებელ ორგანოებს ერთ სივრცეში უწევთ მუშაობა და აბსოლუტურად ყველა გარიგება გამორიცხულია. ჩვენი თანამოქალაქეები ხედავენ, რომ ისეთი ნაბიჯების გადადგმა გვიწვეს, რაც მძიმეა, ჩვენი პოლიტიკური გუნდის ტვირთია, თუმცა, ჩვენ ვერაფერს ვერ მივჩქმალავთ, ინდულგენცია არც მაღალი თანამდებობაა და არც გუნდის ყოფილი ან მოქმედი წევრობა, ყველას მოუწევს კანონის სრული სიმკაცრით პასუხისგება, ვინც კორუფციაში იქნება მხილებულია“, - განაცხადა მაჭავარიანმა.