მაია ბითაძე ირაკლი ღარიბაშვილის დაკავებაზე: ბუნებრივია, საკმაოდ მტკივნეული თემაა როგორც ჩემთვის პირადად, ისევე მთელი გუნდისთვის, თუმცა ის, რომ „ქართული ოცნების“ გაცხადებული პოლიტიკაა კორუფციასთან ბრძოლა, ეს არახალია

„ბუნებრივია, საკმაოდ მტკივნეული თემაა, როგორც ჩემთვის პირადად, ისევე მთელი გუნდისთვის, თუმცა ის, რომ „ქართული ოცნების“ გაცხადებული პოლიტიკაა კორუფციასთან ბრძოლა, ეს არახალია“, - განაცხადა გადაცემაში „დღის ქრონიკა“ საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ ყოფილი პრემიერის, ირაკლი ღარიბაშვილის დაკავებასთან დაკავშირებით.

ბითაძის თქმით, შესაბამისად, შესაბამისი დაპირება, მათ შორის, რაც ბოლო საპარლამენტო არჩევნებზე გაკეთდა, პრაქტიკულად ხორციელდება.

„ბუნებრივია, საკმაოდ მტკივნეული თემაა როგორც ჩემთვის პირადად, ისევე მთელი გუნდისთვის, თუმცა ის, რომ „ქართული ოცნების“ გაცხადებული პოლიტიკაა კორუფციასთან ბრძოლა, ეს არახალია. შესაბამისად, ის დაპირება მათ შორის, რაც ბოლო საპარლამენტო არჩევნებზე გაკეთდა, პრაქტიკულად ხორციელდება. ეს ვინმესთვის შესაძლოა სასიხარულო იყოს და ჩვენ ასევე ვიაზრებთ იმას, რომ ეს გარკვეულ კითხვის ნიშნებს შესაძლოა ბადებდეს ამომრჩეველში. თუმცა ეს სწორედ, კიდევ ერთხელ ვიმეორებ, კორუფციასთან ბრძოლის პოლიტიკის ნაწილია, რაც ბოლო საპარლამენტო არჩევნების წინ იყო გაცხადებული“, - აღნიშნა მაია ბითაძემ.

ცნობისთვის, ირაკლი ღარიბაშვილს 5 წლით პატიმრობა და 1 მილიონი ლარის ოდენობით ჯარიმა განესაზღვრა.