ქუთაისში ქალი იარაღის უკანონო შენახვისთვის დააკავეს - ჩხრეკა მარტოხელა დედის სახლში არასრულწლოვანი ბავშვების თანდასწრებით

პოლიციამ ქუთაისში ახალგაზრდა ქალი დააკავა. სამართალდამცველები ადგილზე სავარაუდოდ, მეზობლებმა გამოიძახეს.

ტვ პირველის ინფორმაციით, რვა პოლიციელი ქუთაისში, აღმაშენებლის ქუჩაზე მდებარე ერთ-ერთი ბინაში უკანონო იარაღს ეძებდა, თუმცა მას შემდეგ რაც ცეცხლსასროლი იარაღი ვერ იპოვეს, ახალგაზრდა ქალი წინააღმდეგობის გაწევის ბრალდებით დააკავეს. სოციალურად დაუცველი ოჯახი ეჭვობს, რომ ცრუ დასმენა მეზობელმა განახორციელა, რის შემდეგაც, 10-მდე პოლიციელი სახლში შეუვარდათ, სახლი გაჩხრიკეს, დედა დააკავეს, 15 და 5 წლის ბავშვები კი სახლში მარტო დატოვეს.

ბავშვები მინდობით აღზრდაში არიან გადაყვანილი. 15 წლის გოგონა შველას არასამთავრობოებსა და ჟურნალისტებს სთხოვს.

„ვიღაცამ გააკეთა განაცხადი, სახლში იარაღი არისო, რად უნდა ორი შვილის, მარტოხელა დედას იარაღი?! 8 თანამშრომელი იყო, ვერაფერი იპოვეს, თუმცა დედაჩემი მაინც გადაიყვანეს. ბავშვი მთელი ღამის განმავლობაში ტიროდა – დედა უნდოდა. 5 წლისაა და ამ ხნის განმავლობაში დედაჩემს 5 წუთით არ მოშორებია. მეორე დღე დაიწყო და არ უნახავს, არავინ გვეუბნება, სად და როგორ არის, დიაბეტითაა დაავადებული.

ყველაფერს მობილურით ვიღებდი, მაგრამ განყოფილების უფროსმა, გიორგიმ ტელეფონი წამართვა, ხელი ამომიბრუნა, ნაკაწრი მაქვს ხელზე. ეს სოც. მუშაკმაც იცის”- აცხადებს 15 წლის მოზარდი.

38 წლის ქალი, წინასწარი დაკავების იზოლატორშია მოთავსებული, ქუთაისის პოლიციაში მედიის კითხვებს არ პასუხობენ.

წყარო:ტვ პირველი

ასევე დაგაინტერე­­­­სებთ:

🔵"მიდის საუბარი, ღარიბაშვილის გამოცვლაზეც" - ოპოზიცია მოსალოდნელ სამთავრობო ცვლილებებს აანონსებს

🔵დათო ლიკლიკაძე: “ სტუდენტი მწერს ფეხი მოვიტეხე და შაბათს ვერ მოვალო, კვირას დამადგა თავზე… როგორ? რანაირად?”