რა თქვა დღევანდელ სასამართლო პროცესზე და ვინ დაუპირისპირდა ბადრი ესებუას?

ზუგდიდის რაიონულ სასამართლოში, ბადრი ესებუას მორიგი სასამართლო პროცესი გაიმართა, სადაც პირველად დაიკითხა სამხარეო პოლიციის ყოფილი უფროსი, ავთანდილ გალდავა. სწორედ გალდავაა ის პირი, ვინც ესებუას ნახევარი მილიონი ლარი გადასცა და გასვლის შემდეგ ის მძევლად თან წაიყვანა.

გალდავას თქმით, თავდაპირველად ესებუა თანხას და ვერტმფრენს ითხოვდა, გარდა ამისა, მისივე თქმით, 
მან ესებუას ხმა მძარცველის ხმას პირველივე პროცესზე მიამსგავსა.

"ისიც გამიკვირდა, რომ პიროვნება ბანკშია შესული და სულაც არ კითხულობს იქ 500 000 ლარი არის თუ არა და გარედან ითხოვს ფულის შეტანას, როდესაც საკმაოდ დიდი ოფისია ზუგიდში, საკმაოდ დიდი ოფისი არის და რატომ გარედან.. მითხრა ხელმძღვანელობამ, რომ ისევ შენ დაელაპარაკე და აუხსენი, რომ ფულის თემას აუცილებლად მოვაგვარებდით და მანქანის თემას მოვაგვარდებოდა პრობლემა არ იყო, რადგან ამ ვერტმფრეს უკვე ჩაეხსნა" - თქვა გალდავამ.
 
პროცესზე ესებუამ მოსამართლეს კითხვის დასმის უფლება სთხოვა და გალდავას მისი დაკავება მიულოცა.

"პირველ რიგში, მინდა, რომ მოგილოცოთ ჩემი დაკავება, დიდი მიღწევაა ეს როგორც ჩანს. მე გამიხარდებოდა, რომ როგორც მე და ჩემ ოჯახს შეგვებრძოლეთ, ისე შეებრძოლოთ ჩვენ მტერს, რაც შეეხება ჩემს კითხვას, თქვენ როცა აძლევდით ჩვენებას, რამდენჯერმე აგიჩუყდათ გული. მე მაინტერესებს რატომ არ აგიჩუყდათ გული, როცა ჩემ ოჯახს სასტიკად გაუსწორდით, ჩემი უდანაშაულო ძმა ოთხი წლით გაუშვით ციხეში და ჩემს ნათესავებსაც იგივე "ტრიუკი" გაუკეთეს" - თქვა ესებუამ.

ასევე დაგაინტერესებთ:

🔵24 წლის ახალგაზრდა, რომელსაც ოჯახი ეძებდა, იპოვეს - სად იყო და როგორია მისი ჯანმრთელობის მდგომარეობა? 

🔵"2 დღის წინ ისეთი შეტყობინებები მივიღე, მეგონა ინსულტს მივიღებდი" - დედა სიდონია