როგორ გადავჭრათ კოვიდის შემდეგ დარჩენილი ხველის პრობლემა - გიორგი ღოღობერიძის რჩევები

ექიმი გიორგი ღოღობერიძე სოციალურ ქსელში ვიდეომიმართვის დროს კოვიდის შემდეგ დარჩენილი მშრალი ხველის პრობლემის გადაჭრის გზებზე საუბრობს.

იგი მოქალაქეებს 3 ხერხს სთავაზობს. 

"კოვიდის შემდეგ ბევრ ადამიანს აწუხებს მშრალი ხველის პრობლემა, ზოგს კოვიდის დროსაც აქვს ეს სიმპტომი. საქართველოში გამოყენებული ხველის საწინააღმდეგო მედიკამენტები ხშირად ვერ აგვარებს ამას. 

თუ ხველა კოვიდის დროს დაგეწყოთ და ერთი თვე არ აგილაგდათ, იმის ალბათობა, რომ ეს 6-9 თვე გაგრძელდეს ძალიან დიდია.

რჩევა პირველი - მიიღეთ საკმარისი რაოდენობის სითხე, რადგან როდესაც ორგანიზმში ტემპერატურა მაღალია, სითხე ორთქლდება, ამ დროს კი სასუნთქი გზები შრება და ადამიანი იწყებს ხველას.

რჩევა მეორე - ორთქლის ინჰალაცია. ეს არის იდეალური გზა, ვიდრე ხველის დამთრგუნავი პრეპარატები. აადუღეთ წყალი, გადაიფარეთ თავზე სპეციალური ნაჭერი და ისუნთქეთ ისეთი მანძილიდან, რომ სახე არ დაგეწვათ. 

რჩევა მესამე - მიირთვით თაფლიანი ჩაი. აქვე არ დაგავიწყდეთ, რომ ერთ წლამდე ბავშვებში თაფლის მიცემა აკრძალულია. თუ გინდათ, რომ თაფლიანი ჩაი ეფექტური იყოს, ასევე შეგიძლიათ დაუმატოთ პიტნა. ლიმონსაც თუ დაამატებთ თქვენ მიიღებთ ხველის საწინააღმდეგო იდეალურ კოქტეილს.

აქვე გაითვალისწინეთ, რომ მშრალი ხველის დროს, სადაც თქვენ ხართ ოთახში, არ უნდა მოიხმარდნენ ნიკოტინს.

ასევე კარგია, თუ ძილისას ერთ ბალიშს მეორეს დაუმატებთ. ეს შეგიჩერებთ რეფლექსს და ხველა შემცირდება. 

თუ ნახველი გიგროვდებათ, თბილ წყალში ჩაყარეთ მცირეოდენი მარილი და გამოივლეთ ხახაში, მოგაშორებთ ლორწოს და შეგიმცირებთ ხველას", - აღნიშნა გიორგი ღოღობერიძემ.