სააკაშვილი: რუსეთი უკრაინასთან ომს აგებს, რადგან რესურსებისგან იცლება - შესაძლებლობების ფანჯარა ახლა ჩვენთვისაც ღიაა და ამ მიზნებს ჩვენც უნდა მივაღწიოთ!

საქართველოს ყოფილი პრეზიდენტი მიხეილ სააკაშვილი, უკრაინაში რუსეთის მიერ დაწყებულ ფართომასშტაბიან ომს ეხმაურება და მის სავარაუდოდ დასასრულს პროგნოზირებს:

"რუსეთი უკრაინასთან ომს აგებს.

მთავარი, რატომაც ეს ხდება, არის ის, რომ რესურსებისგან იცლება.

წინ პრაქტიკულად ვერ იწევს და რომც აიღოს მარიუპოლი, ეს არაფერს შეცვლის.

ამ დროს კი, უკრაინის რესურსები ულევია, რადგან მის უკან მთელი დასავლეთი დგას. ჩინეთმა კი უარი თქვა რუსეთის დახმარებაზე.

რაც შეეხება უკრაინის "ნეიტრალიტეტის" საკითხს.

ზელენსკის და უკრაინის მოდელი, ყველაფერია, ნეიტრალიტეტის გარდა. ზელენსკი მკაფიოდ აყალიბებს მთავარ ამოცანებს:

1. თუ თავდასხმები იქნება რუსეთიდან, ნატოს წევრები ჯარებით 24 საათში დაეხმარებიან
2. გარანტირებული იქნება უკრაინის ეკონომიკის, ინფრასტრუქტურისა და შეიარაღებული ძალების გაძლიერება.
3. ცხადია, უმთავრესი და სავალდებულო წინაპირობაა უკრაინის დეოკუპაცია.
    

გავმეორდები, ეს ყველაფერია, რუსული პროპაგანდის მიერ შემოგდებული ნეიტრალიტეტის იდეის გარდა.

ესაა უკრაინის გამარჯვება და მისი უსაფრთხო და ნათელი მომავალი ევროკავშირში.

შესაძლებლობების ფანჯარა ახლა ჩვენთვისაც ღიაა და ამ მიზნებს ჩვენც უნდა მივაღწიოთ!

ხოლო ის, რაც ამ გზაზე ხელს გვიშლის, გზიდან უნდა გავწიოთ!", - აღნიშნულია მიხეილ სააკაშვილის ფეისბუკზე გამოქვეყნებულ ინფორმაციაში.

სხვა სიახლეები:

🔵 „მონა“, „მონა“ ამ შეძახილებით შეხვდენ ბალდის ტაძარში მისულ მეუფე სტეფანეს განკვეთილი სასულიერო პირები

🔵 9 წლის ბავშის მიმართ გარყვნილი ქმედებისთვის 70 წლის კაცს 8 წელი მიესაჯა

🔵 მოსწავლემ ორი მასწავლებელი მოკლა - ტრაგედია შვედეთში