„სალუტ, ბატონო პრეზიდენტო!“ - ემიგრაციაში მყოფი ქართველი ექიმი

ემიგრაციაში მყოფი ქართველი ექიმი, ზურაბ გურული თავის ფეისბუკ გვერდზე სტატუსს აქვეყნებს:

„ბატონო პრეზიდენტო,სამწუხაროდ, ჩვენ ვერ შევდექით სახელმწიფოდ და საზოგადოებად. ჯერ კიდევ ვერ ვისწავლეთ ფატალური შეცდომებიდან საჭირო დასკვნების გამოტანა. ისევ გავამასხრეთ დემოკრატიის ბაზისური პრინციპები. ისევ შევილახეთ ეროვნული თავმოყვარეობა მთელი მსოფლიოს წინაშე. ვაჩვენეთ, რომ ადამიანური დიდსულოვნებისაგანაც დავცლილვართ და დიპლომატიისა და პოლიტიკის ელემენტარულ საწყისებსაც ვერ ვაკმაყოფილებთ“, - წერს სოციალურ ქსელში ზურაბ გურული.

ამერიკაში მოღვაწე ქართველი ექიმი მიმართვაში ამბობს, რომ მას ცოცხალი მთავარსარდალი სჭირდება.

„თქვენ გევალებათ ბოლომდე იბრძოლოთ ქართული სახელმწიფოს პრესტიჟის დასაბრუნებლად; ვალდებული ხართ როგორც მთავარსარდალი. ჯერ არ დამდგარა იარაღის დაყრის და საფეთქელში ტყვიის დახლის დრო. თუ და როცა დადგება, გარწმუნებთ, მარტო არ იქნებით. საკმარისად დარჩნენ თავმოყვარე ქართველები ჯერ კიდევ.გევალებათ, რადგან თქვენი წვლილიც არის ჩვენს გამარჯვებებში და დამარცხებებშიც და ვერ მოგცემთ უფლებას, ბრძოლის ველი მანამ დატოვოთ, სანამ ყველა ტყვია არ გასროლილა და სანამ თქვენი ოფიცრები ჯერ კიდევ ფეხზე დგანან.გამაგრდით და დაუშვით "იარაღი" საკუთარი საფეთქელიდან. ეგ "ტყვია" ჯერ სხვა მიმართულებით არის გასაშვები.არის მომენტები, როცა პათეტიკა შემზარავად ყალბია, მაგრამ არის მომენტებიც, როცა მოვალეობა ხდება მისი გამოყენება.ჩვენ ცოცხალი მთავარსარდალი გვჭირდება. წინ კიდევ ბევრი გადამწყვეტი ბრძოლაა.სალუტ, ბატონო პრეზიდენტო!“, - წერს ემიგრაციაში მყოფი ქართველი ექიმი.

მსგავსი თემები:

🔵“მიშა სააკას ჯანმრთელობაზე რომ ფიქრობთ, პატრიარქის ჯანმრთელობას გაუფრხილდით” - ანთიმოზ ივერილი

🔵პაატა ბურჭულაძე: „გთხოვთ, მომცეთ საშუალება ჩავანაცვლო მესამე პრეზიდენტი ციხეში“