"შავი ლენტები თუ გინდათ, სახლებში შეაბით საკუთარ ნაძვის ხეებს" - პასუხი ელენე ხოშტარიას

ჟურნალისტი რუსა მუმლაძე, პარტია "დროას" დამფუძნებლის, ელენე ხოშტარია განცხადებას ეხმაურება, რომლის თანახმადაც ხოშტარიამ მოუწოდა საზოგადოებას, დაღუპული ქართველი მებრძოლების პატივსაცემად ქვეყნის მთავარ ნაძვის ხეს, შავი სამგლოვიარო ლენტები შეაბან:

"დიდი ხანია უკვე, ხმას საერთოდ აღარ ვიღებ პოლიტიკაზე.

მეკითხებიან, რატომო, რატომ და უბრალოდ, მომბეზრდა ერთი და იგივე სისულელეების ყურებაც და მათზე კომენტარიც!

მაგრამ ახლა ამ ერთხელ დავარღვევ დუმილს, ახალი პოლიტსიგიჟეა მოფიქრებული და პროტესტი  გამიჩნდა:

აი, ეს არის კიევის მერის განცხადება  კიევის საახალწლო ნაძვის ხეზე და უმორჩილესი თხოვნა მაქვს რა, ჩემი ჩვეული ცინიზმით კი ასე გამოვხატავდი ამ თხოვნას:

შავი ლენტები თუ გინდათ, სახლებში შეაბით საკუთარ ნაძვის ხეებს, ქვეყნის მთავარი ნაძვის ხისგან ხელები შორს!!!!

ახლა თან ბოდიშსაც მოგიხდით, ამისთვის ნამდვილად არ მემეტებით და ნურც თქვენ იმეტებთ ქვეყანას  შავი ლენტებით ახალი წლის ჩასაშხამებლად, ვიწრო პოლიტიკური ინტერესების გამო!!!

მიუხედავად ყველაფრისა, თქვენი საქმე არაა, ქვეყნის მთავარი ნაძვის ხის გაშავება!

არ ჯდება ეს არც პოლიტიკურ თავისუფლებაში და არც გამოხატვის, ხალხის დაცინვა და მორიგი სისულელეა!

„ჩვენ გვესმის, რომ მასობრივი ღონისძიებები ომის დროს აკრძალულია.

ის არავითარ შემთხვევაში არ გაიმართება, თუმცა არავინ აპირებს ახალი წლისა და შობის გაუქმებას და საახალწლო ატმოსფერო უნდა იყოს.

ვერ დავუშვებთ, რომ პუტინმა ჩვენი შობა და ახალი წელი მოიპაროს!!

ნაძვის ხე დამონტაჟდება, რომ ჩვენს შვილებს საახალწლო განწყობა შეახსენოს," – კიევის მერი ვიტალი კლიჩკო!

ქართველო პოლოტგრინჩებო, შობა-ახალ წელს თქვენ ვერ გააუქმებთ, ნურც მოპარვას შეეცდებით  და ნურც მის გაშავებას, თანაც მაშინ, როცა ამ დღესასწაულის ახალი წლის ფერებში აღნიშვნას - ომისგან გატანჯულ დედაქალაქში ნაძვის ხის დადგმით - თავად ის ქვეყანა აპირებს, თქვენ რომ მხარდაჭერას უცხადებთ, საკუთარი ქვეყნისთვის ამ ახალი წლის ჩაშხამების ხარჯზე!

რომის პაპზე უფრო კათოლიკეები ნუ გამომიხვედით აქ რა!

თბილისსა და საქართველოს სხვა ქალაქებს  უნდა ჰქონდეთ ლამაზი ნაძვის ხეები!!!

ისინი ვერც თქვენ და ვერც პუტინმა ვერ უნდა მოიპაროთ!", - წერს მუმლაძე.

ამავე თემაზე:

* " 19:00 საათზე, შევიკრიბოთ თავისუფლების მოედანზე და შავი სამგლოვიარო ნაჭერი შევაბათ ნაძვის ხეს" - ელენე ხოშტარია