სრულიად საქართველოს ვულოცავ ამ გამარჯვებას, ჩვენ ერთხელ და სამუდამოდ უნდა დავასრულოთ ბოროტება და აგრესია - კახა კალაძე

"ქართული ოცნების" თბილისის მერობის კანდიდატმა, კახა კალაძემ ამომრჩეველს სოციალური ქსელით მიმართა.

მან მოსახლეობას მხარდაჭერისთვის მადლობა კიდევ ერთხელ გადაუხადა. 

"მადლობა მინდა გადაგიხადოთ ყველა ჩემს მხარდამჭერს, ყველა იმ ადამიანს, ვინც გვგულშემატკივრობდათ და ყველაფერს აკეთებდით იმისთვის, რომ წარმატებას მიგვეღწია.

ყველამ კარგად ვიცით, რომ პირველ რიგში ჩვენს ქალაქს - თბილისს, თბილისელებს სჭირდება მომდევნო წლების განმავლობაში ყველა იმ დაწყებული საქმის ბოლომდე მიყვანა და რეალიზება, რომელიც ბოლო 4 წლის განმავლობაში მოყოლებული, 2017 წლიდან გვაქვს წამოწყებული და მართლა ბევრი სასიკეთო საქმე გვაქვს გაკეთებული ამ ქალაქისთვის, მაგრამ ცხადია არსებობს ჯერ კიდევ გამოწვევები, პრობლემები და ჩვენ ვართ ის გუნდი, რომელიც მზად არის ამ პრობლემებს ღირსეულად უპასუხოს კონკრეტული საქმეებით და პროექტებით.

სრულიად საქართველოს ვულოცავ ამ მნიშვნელოვან გამარჯვებას იმიტომ, რომ ჩვენ ერთხელ და სამუდამოდ უნდა დავასრულოთ ბოროტება, სიძულვილი და ის აგრესია, რაც ოპონენტების მხრიდან მოდიოდა", - განაცხადა კახა კალაძემ.

ცესკოს ბოლო მონაცემებით, კალაძემ ხმების 55% მიიღო. თბილისში 769 უბნიდან 768 უკვე დათვლილია.

აგრეთვე დაგაინტერესებთ:

🔴 ქუთაისის, ფოთისა და ბათუმის მერობის არჩევნებში გამარჯვება "ქართული ოცნების" კანდიდატებმა მოიპოვეს

🔴 მე არ ვცნობ შედეგებს, მეგობრებო თქვენი ხმა გაყალბდა - გიგი უგულავა