თორნიკე ფაღავა: 2008 წლისა და 2022 წლის რუსეთ-უკრაინის ომების შემდეგ, „ნაციონალური მოძრაობა“ და რადიკალური ოპოზიცია ჩვენი ქვეყნის ინტერესების საწინააღმდეგო მხარეს დადგნენ - მათ ორივე შემთხვევაში უღალატეს სახელმწიფო ინტერესებს

„(2008 წლის აგვისტოს ომის) დასრულებიდან მალევე, „ნაციონალურმა მოძრაობამ“ მხარი დაუჭირა PACE-ს რეზოლუციას, სადაც ომის დაწყება პირდაპირ დააბრალა ქართველ სამხედროებსა და საქართველოს სახელმწიფოს“, - ამის შესახებ პარლამენტის ევროპასთან ინტეგრაციის კომიტეტის თავმჯდომარის მოადგილე თორნიკე ფაღავამ განაცხადა.

მისი თქმით, როგორც 2008 წლის აგვისტოს, ისე 2022 წლის რუსეთ-უკრაინის ომის შემდეგ, რადიკალური ოპოზიცია სახელმწიფო ინტერესების საწინააღმდეგო მხარეს დადგა.

„მაშინ როცა ქართულ სახელმწიფოს სასიცოცხლოდ ესაჭიროებოდა ის, რომ საერთაშორისო თანამეგობრობას სცოდნოდა, რომ რუსეთი აგრესორი იყო, საქართველოს სახელმწიფოს წინააღმდეგ, მათი პატრონების დავალებით ნაციონალურმა მოძრაობამ რუსეთი ხელისუფლებას აჩუქა და გადასცა სტრატეგიული მნიშვნელობის ობიექტები.

საქართველოს ომის დასრულებიდან მალევე მათ დაუჭირეს მხარი PACE-ს რეზოლუციას, სადაც პირდაპირ დააბრალეს ომის დაწყება ქართველ სამხედროებს და საქართველოს სახელმწიფოს. 2008 წლის ომის შემდეგაც და 2022 წლის რუსეთ-უკრაინის ომის შემდეგაც, ნაციონალური მოძრაობა და რადიკალური ოპოზიციის წევრები დადგნენ ჩვენი ქვეყნის ინტერესების საწინააღმდეგო მხარეს. ორივე შემთხვევაში მათ უღალატეს სახელმწიფო ინტერესებს და თავიანთი პატრონების დავალებით დაუპირისპირდნენ ქართველი ხალხის ეროვნულ ინტერესებს“, - განაცხადა ფაღავამ.