"თუ ავიცრებით პანდემია დასრულდება ზაფხულში" - აკაკი ზოიძე

საზოგადოებრივი ჯანდაცვის საკითხებში ექსპერტი აკაკი ზოიძე აცხადებს,რომ “ომიკრონის“ გადაცემის ხარისხი დაახლოებით, “წითელას” მსგავსია რეპროდუქციის მაჩვენებლით და შესაბამისად, ამ შტამისგან დაცვა პრაქტიკულად შეუძლებელია.

ამის შესახებ მან საზოგადოებრივი მაუწყებლის ეთერში განაცხადა.

"ტყუილია ის, რომ ორი დოზა, მით უმეტეს, ახალი გაკეთებული არ იცავს. ორი დოზის მერე, პირველი სამი თვის განმავლობაში იმუნიტეტი საკმაოდ მაღალია.

რაც შეგვეძლო, გაგვეკეთებინა, არის ის, რომ ქვეყანა “ომიკრონის” ტალღას ვაქცინაციის აქტიური კამპანიით შებრძოლებოდა და მოზრდილი მოსახლეობის 43%-ის ნაცვლად, რომელიც დღეს გვყავს აცრილი, 70-60% გვყოლოდა, რაც შარშანდელი გეგმა იყო.

ტალღები გაგრძელდება, ვიდრე მსოფლიოს უფრო მეტი ნაწილი, 70-80% არ იქნება აცრილი.

ამ შემთხვევაში, რა თქმა უნდა, კორონავირუსი ენდემურ გრიპად გადაიქცევა და წინა პანდემიების ლოგიკით ეს ეპიდემიაც აქეთკენ მიდის.

„ომიკრონი“ მართლაც დასასრულის დასაწყისია, მაგრამ დასასრულის დასაწყისია იმ ქვეყნებისთვის, ვინც თავისი მოსახლეობის დიდი ნაწილის აცრას შეძლებს.

თუ ჩვენ ავიცერით, პანდემია დასრულდება ზაფხულში.

თუ ჩვენს ასაკოვან მოქალაქეებს 90-95%-ით ავცრით, ჩათვალეთ, ეს პრობლემა მოიხსნება, თუ რაღაც ალოგიკური არ მოხდა და ვირუსმა ისეთი მუტაცია არ განიცადა, რომელიც სწრაფ გადადებასთან ერთად, უფრო საშიშ მიმდინარეობას გულისხმობს.

იმ ლოგიკებით, რაც წინა პანდემიის დროს იყო, წესით, ეს არ უნდა მოხდეს, თუმცა ამ მსოფლიოში გამორიცხული არაფერი არ არის, მაგრამ რეალურად, ჩვენ მივდივართ საიმედო დასასრულისკენ და ახლა დანებება, აუცრელობა არის ის, გამარჯვების წინ რომ კაპიტულაციას გამოაცხადებ, ან დაიღუპები.

დაახლოებით, აი, ასეთი სიტუაცია შეიქმნება“, – განაცხადა ზოიძემ.

სხვა სიახლეები:

📍"თუ ეს დისკომფორტები თქვენც გაქვთ, თამამად შეგიძლიათ დაარქვათ პოსტკოვიდი" - რა სიმპტომებზე წერს თამუნა თანდაშვილი

📍ყველამ მიქციეთ ყურადღება როდესაც კოვიდისგან გადასარჩენად, თქვენ, ან თქვენს ახლობლებს გამოტენიან ანტიბიოტიკებით - სოსო გოგაშვილი